HAKING-HAKING 18:7 - KITTA' MATANGKASA'

⁷ Le'baki anjo a'lampami anjo tau limaya nampa mange ri Lais. Anjoreng naparhatikammi ke'nanga pandudu'na. Ma'nassami angkanaya cara katallassanna anjo panduduka ri Lais sangkammai bansa Sidon. Manna nakasa'lakkang ke'nanga, siagang bellai ri bansa Sidon, amangi siagang sannangi katallassanna ke'nanga, tena musunna, bajiki pattallassanna siagang tena kakuranganna ke'nanga manna sike'de'.

HAKING-HAKING 18:7 ပူးပေါင်းရင်းမြစ်များ

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

YEREMIA 49:31

‘Umba maju! Umba nanibunduki tau nakanaya kalenna amang siagang sannang. Kotana ke'nanga tena pa'la'langanna, lanri tena pakke'bu' lompona siagang tena panjolina.’ ”

ROMA 13:3

Nasaba' inai-nai a'gau' baji' tena naparallu malla' mae ri pamarentaya. Iaji tau a'gau' kodia musti malla'. Punna erokko tena numalla' ri pamarentaya, musti a'gau' bajikko, nanuanggappa pammuji.

YOSUA 19:47

Tappela'mi sipa'gang daerana suku Dan, jari a'lampai ke'nanga mange ri Lesem na nabunduki ke'nanga anjo kotaya. Naallemi ke'nanga anjo kotaya, siagang nabunoi pandudu'na nampa napammantangngi anjo kotaya. Jari ammantammi ke'nanga anjoreng nampa napinra arenna anjo kota Lesem a'jari kota Dan, situru' arenna boe-boena ke'nanga.

1 PETRUS 2:14

kammayatompa mae ri guburnur nisarea koasa ri anjo Kapala pamarentahang untu' anghukkungi tau a'gau' ja'dalaka siagang untu' ampakalompoi tau a'gau' bajika.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’

HAKING-HAKING 18:29

Nasambeimi ke'nanga arenna anjo kotaya a'jari Dan, situru' arenna boena ke'nanga, iamintu Dan, ana'na Yakub.

HAKING-HAKING 18:6

Appialimi anjo imanga angkana, “Teako batai. Napangngellai Batara anne pa'lampannu.”

HAKING-HAKING 18:8

Ri wattunna ammotere'mo anjo tau limaya mae ri julu sukuna ri Zora siagang Esytaol, nisuromi ke'nanga assare laporang.

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.