HAKING-HAKING 18:29 - KITTA' MATANGKASA'

²⁹ Nasambeimi ke'nanga arenna anjo kotaya a'jari Dan, situru' arenna boena ke'nanga, iamintu Dan, ana'na Yakub.

HAKING-HAKING 18:29 ပူးပေါင်းရင်းမြစ်များ

PA'JARIANG 14:14

Nalangngere'na Abram angkanaya niallei kamanakanna, napasse'remi sikamma tau niaka ri kemana, iamintu sikamma tu cara'deka a'bundu', nia' 318 jaina tau. Nampa naondang ke'nanga anjo appaka karaeng sa'genna mange ri kota Dan.

PA'JARIANG 30:6

Nakanamo Rahel, “Nagaukammi adeleka Allata'ala untu' kaparalluangku. Napilangngeri pappalakku na Nasarema' sitau ana' bura'ne.” Nampa naaremmo anjo anaka Dan.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

2 SAMUEL 17:11

Lanri kammana anjo inakke kamma anne pappakaingakku: Pa'rappungangi sikontu tu Israel battu ri sikontu pa'rasangang, sa'genna rapang kassi' biring tamparang jaina. Nampa kalenta maju ampimpingi ke'nanga a'bundu'.

1 KARAENG-KARAENG 15:20

Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

PAOLE 34:1

Nampa a'lampamo Musa ambokoi lappara'na Moab siagang angngambi' ri Moncong Nebo, ri coppo'na Pisga irayanganna Yerikho. Anjoreng Napappicinikammi Batara mae ri ia sikontu anjo pa'rasanganga, iamintu: Daera Gilead sa'genna wara' ri kota Dan;

YOSUA 19:47

Tappela'mi sipa'gang daerana suku Dan, jari a'lampai ke'nanga mange ri Lesem na nabunduki ke'nanga anjo kotaya. Naallemi ke'nanga anjo kotaya, siagang nabunoi pandudu'na nampa napammantangngi anjo kotaya. Jari ammantammi ke'nanga anjoreng nampa napinra arenna anjo kota Lesem a'jari kota Dan, situru' arenna boe-boena ke'nanga.

HAKING-HAKING 18:7

Le'baki anjo a'lampami anjo tau limaya nampa mange ri Lais. Anjoreng naparhatikammi ke'nanga pandudu'na. Ma'nassami angkanaya cara katallassanna anjo panduduka ri Lais sangkammai bansa Sidon. Manna nakasa'lakkang ke'nanga, siagang bellai ri bansa Sidon, amangi siagang sannangi katallassanna ke'nanga, tena musunna, bajiki pattallassanna siagang tena kakuranganna ke'nanga manna sike'de'.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.