HAKING-HAKING 18:26 - KITTA' MATANGKASA'

²⁶ Le'baki akkana kamma anjo suku Dan, napatulusu'mi ke'nanga lampana. Naciniki Mikha angkanaya kassakangngangi anjo ke'nanga na kalenna, jari nagilimmi kalenna nampa ammotere'.

HAKING-HAKING 18:26 ပူးပေါင်းရင်းမြစ်များ

PA'JARIANG 49:16

Ikau Dan, langngadeli bansanu la'jari suku sangkamma suku maraeng ri Israel.

1 KARAENG-KARAENG 12:29

Nampa naboli' Yerobeam kalase'renna anjo sapi bulaenga ri Betel, na maraengannaya ri Dan.

YEHEZKIEL 48:1

Pa'baeng-baenna buttaya ri bageang wara' a'la'bu anraiki, appakkaramula battu ri Tamparang Tangngaya mange ri kota Hetlon, agang antamaya ri Hamat, kota Hazar-Enan, sa'genna mange ri pa'baeng-baenna kota Damsyik siagang kota Hamat. Suku-suku niaka nitappu irawa anne musti massing anggappai se're bageang battu ri butta iamintu luara'na battu ri pa'baeng-baeng bageang raya a'lampa kalau' sa'genna Tamparang Tangngaya; battu wara' a'lampa timboro' kammai anne susunna: Dan Asyer Naftali Manasye Efraim Ruben Yehuda

HAKING-HAKING 18:25

Nakanamo anjo suku Dan, “Bajikangngang tongkoki bawanu; gassingka a'jari larro ngasengi anne tu jaia mae ri kau nampa nabakkaiko. Gassingka ikau siagang kaluarganu mate ngasengko.”

HAKING-HAKING 18:27

Ri le'ba'namo nalariang suku Dan anjo imanga siagang barang-barang ibada napareka Mikha, a'lampami ke'nanga mange ambunduki Lais, kota amanga siagang sannanga katallassanna. (Anjo kotaya niaki lalang se're ka'bung siagang kota Bet-Rehob). Anjo tu Dan nabuno ngasemmi sikontu pandudu'na Lais nampa natunu anjo kotaya. Tena battu antulungi anjo taua ri Lais lanri tassa'la'na tampa'na ke'nanga siagang bellai battu ri Sidon. Le'baki anjo nabangummi tu Dan ammotere' anjo kotaya nampa ammantang ke'nanga anjoreng.