HAKING-HAKING 18:2 - KITTA' MATANGKASA'

² Jari ammilemi ke'nanga limaya tau pore battu ri sikontu bija niaka lalang ri sukuna ke'nanga ia niaka ammantang ri Zora siagang Esytaol. Nampa nasare tugasa' anjo tau limaya amparessai anjo pa'rasanganga. Jari a'lampami anjo limaya tau, na battumo ke'nanga ri daera pa'bulukanna daera Efraim. A'bangngimi ke'nanga anjoreng ri balla'na Mikha.

HAKING-HAKING 18:2 ပူးပေါင်းရင်းမြစ်များ

PA'JARIANG 42:9

Nampa nau'rangimi so'nana Yusuf ri passala'na ke'nanga. Nakanamo Yusuf, “Ikau ngaseng anne mata-matako; battu ngasengko ero' ansalidiki kalammaanna pa'rasanganna ikambe.”

PANGNGEBARANG 20:18

Rancanaya a'jari lanri tangara'; lanri kammana anjo, teako appattujuangi punna tena rancana baji'.

PAMMILANGNGANG 13:17

Ri wattunna nasuro Musa a'lampa ke'nanga, appasangi mae ri ke'nanga angkana, “A'jappa a'lampa warakko, mange ri bageang timboranna butta Kanaan, nampa turusko mange ri daera a'bontoa.

LUKAS 14:31

Punna nia' se're karaeng ero' a'lampa a'bundu' siagang karaeng maraenganga, na nia' sampulo sa'bu surudaduna, tantu ammempoi rolong anjo karaenga ampikkiriki, angkanaya maka lakassa'ji anjo surudaduna langngewai anjo musu lanadallekanga niaka ruampulo sa'bu surudaduna.

YOSUA 15:33

Kota-kota, kammayatompa desa-desa niaka ri tammulilina, niaka ri bangkeng buluka, kabusu'na nia' sampulo angngappa' kota, iamintu: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho. Azeka, Saaraim, Aditaim, Gedera siagang Gederotaim.

YOSUA 19:41

Antamaya ri daerana ke'nanga iamintu Zora, Esytaol, Ir-Semes,

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 2:2

Nalangngereki karaenna kota Yerikho angkanaya nia' tu Israel battu ammata-matai daera Yerikho.

HAKING-HAKING 13:2

Anjo wattua nia' sitau bura'ne ri kota Zora. Arenna nikana Manoah, battu ri suku Dan. Tamanangi bainenna.

HAKING-HAKING 13:25

Ri wattunna nia' ri tampa' kemana suku Dan, attampaka ri alla'na Zora siagang Esytaol, appakkaramulami nisare kagassingang ri RohNa Batara.

HAKING-HAKING 16:31

Nampa battumo sikamma sari'battanna siagang sikontu bija-bijanna untu' angngallei maya'na. Naerammi ke'nanga maya'na ammotere' nampa natarawang ilalang ri jera'na Manoah, iamintu manggena. Anjo jeraka tampa'na nipariallaki ri Zora siagang Esytaol. Ruampulo taungi Simson a'jari pamimping ri Israel.

HAKING-HAKING 17:1

Nia' sitau bura'ne niarenga Mikha. Anjorengi ammantang ri bulu'na Efraim.

HAKING-HAKING 18:11

Lanri kammana anjo, a'lampami battu ri Zora siagang Esytaol 600 tau suku Dan. Sukku' ganna'na sanjatana ke'nanga,

HAKING-HAKING 18:13

Battu anjorengi ke'nanga a'jappa tulusu' mange ri daera pa'bulukang Efraim sanggena battu mange ri balla'na Mikha.

HAKING-HAKING 18:3

Ero'na ke'nanga antama ri anjo ballaka, nalangngereki ke'nanga anjo bura'ne tu Lewia a'bicara, na naasseng nabatei ke'nanga bate bicarana. Jari namangeimi ke'nanga nampa akkuta'nang ri ia angkana, “Angngapa nunia' anrinni? Apa parallunu? Inai angngerangko battu mae?”

HAKING-HAKING 18:8

Ri wattunna ammotere'mo anjo tau limaya mae ri julu sukuna ri Zora siagang Esytaol, nisuromi ke'nanga assare laporang.

HAKING-HAKING 19:1

Ri wattu tenanapa karaenna tu Israel, nia' se're tu Lewi ammantang ri padalamang, ri daera pa'bulukanna Efraim. Angngallei sitau baine piara battu ri Betlehem Yehuda.

HAKING-HAKING 19:18

Appialimi anjo tu Lewia angkana, “Battua' ri Betlehem ri Yehuda na kusitabang lalang lampaku ammotere' mange ri ballakku ri padalamanna pa'bulukang Efraim. Inakke tau battu anjorenga'. Tena manna sitau pandudu'na anne kotaya ero' antarimai ikambe untu' a'bangngi ri balla'na.