HAKING-HAKING 18:19 - KITTA' MATANGKASA'

¹⁹ Appialimi ke'nanga angkana, “A'merekko! Teako akkuta'nangngi. Amminawang mako ri kambe, nampa ikau a'jari imang mae ri kambe siagang nitannang tau toa. Kala a'jari imang mae ri se'rea bawang kaluarga, bajikangngangi a'jari imanga mae ri se'rea suku.”

HAKING-HAKING 18:19 ပူးပေါင်းရင်းမြစ်များ

2 KARAENG-KARAENG 13:14

Ri se'reang wattu garring sannaki Na'bi Elisa, na nia' battu Karaeng Yoas antoaki. Ri wattunna nacini' angkanaya la'birimmi mate Elisa, angngarru'mi karaenga siagang nakanamo, “O Bapakku, Bapakku, pannulung lompona tu Israel!”

2 KARAENG-KARAENG 6:21

Ri wattunna nacini' karaeng Israel anjo tu Siria, akkuta'nammi ri Elisa angkana, “Elisa, apaka musti kubunoi anne taua ngaseng?”

AYUB 21:5

Cinikima', nunampa lalannasa' ngaseng, takkajannakko siagang tattongkoki bawanu.

AYUB 29:9

Ba'lalo sikamma tumalompoa ammari a'bicara.

PANGNGEBARANG 30:32

Punna lanri kadongokannu na nutampo anrancanakangi apa-apa ja'dalaka, tutuko!

MIKHA 7:16

Lanaciniki bansa-bansaya anjo passalaka siagang a'jari siri'-siri' lanri nasadarina angkanaya sikontu kagassinganna ke'nanga tena anggaranna. Latakkaluppai ke'nanga sa'genna takkulleamo a'bicara yareka allangngere'.

MATIUS 23:9

Siagang teako akkio' ‘Bapakki’ manna ri nai, nasaba' se'reji Bapa'nu, iamintu Bapa'nu niaka ri suruga.

HAKING-HAKING 17:10

Nakanamo Mikha, “Ammantammako siagang inakke anrinni sollannu a'jari imang siagang assare pappakainga' mae ri kambe. Kusarepako sampulo doe' pera' sitaung kammayatompa care-care siagang kanre”.

HAKING-HAKING 18:18

Ri wattuna antama anjo tau limaya ri balla'na Mikha na naalle anjo Efod siagang patung-patung berhalaya, akkuta'nammi anjo turungka tu Lewia angkana, “Apa ngaseng anne nugaukang?”

HAKING-HAKING 18:20

Sannangi nyawana anjo turungka tu Lewia allangngereki pattujunna ke'nanga. Jari, naallemi anjo efodka siagang patung-patung barhala maraenganga nampa amminawang ri ke'nanga.