HAKING-HAKING 18:18 - KITTA' MATANGKASA'

¹⁸ Ri wattuna antama anjo tau limaya ri balla'na Mikha na naalle anjo Efod siagang patung-patung berhalaya, akkuta'nammi anjo turungka tu Lewia angkana, “Apa ngaseng anne nugaukang?”

HAKING-HAKING 18:18 ပူးပေါင်းရင်းမြစ်များ

YESAYA 46:2

Anjo patung-patunga takkulleai natulung paeranna, kalenna ke'nanga nilalingi a'jari tahanang. Iaminjo kale'bakkanna ke'nanga.

YEHEZKIEL 21:21

Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

KAIMANGNGANG 26:1

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

HAKING-HAKING 18:17

Tulusu'mi antama ri balla' anjo limaya mata-mata, nampa naalle anjo patung nilapisika pera' siagang patung-patung maraenganga, kammayatompa Efodka. Anjo turungka tu Lewia niaki ammenteng siagang anjo 600 tantara ri dallekanna pakke'bu' lompoa.

HAKING-HAKING 18:19

Appialimi ke'nanga angkana, “A'merekko! Teako akkuta'nangngi. Amminawang mako ri kambe, nampa ikau a'jari imang mae ri kambe siagang nitannang tau toa. Kala a'jari imang mae ri se'rea bawang kaluarga, bajikangngangi a'jari imanga mae ri se'rea suku.”