HAKING-HAKING 18:17 - KITTA' MATANGKASA'

¹⁷ Tulusu'mi antama ri balla' anjo limaya mata-mata, nampa naalle anjo patung nilapisika pera' siagang patung-patung maraenganga, kammayatompa Efodka. Anjo turungka tu Lewia niaki ammenteng siagang anjo 600 tantara ri dallekanna pakke'bu' lompoa.

HAKING-HAKING 18:17 ပူးပေါင်းရင်းမြစ်များ

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

KALAPPASSANG 32:20

Nampa naalle anjo patung sapi bate pare'na anjo tu Israelka, na napasolong, nadengka sa'genna alusu' sangkamma limbu'bu', nampa nacampuru' siagang je'ne'. Nampa nasuro tu Israelka angnginungi.

YESAYA 41:29

Tojeng, anjo rewata-rewataya tena matu-matunna, patung nipare'ji ke'nanga, tenaya kullena, tenaya nakkulle appare' apa-apa.”

YESAYA 46:7

Anjo patunga napakui nampa naboli' ri tampa'na, ammenteng anjoreng takkullea a'lette'. Punna appala' doang taua ri ia, tappialiai, natena napasalamaki taua battu ri kasusaanna.

YEHEZKIEL 21:21

Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

MIKHA 5:13

Patung-patunna Dewi Asyera ri pa'rasangannu laKurumbangi siagang kota-kotanu niaka pattahanganna laKuancuruki.

HAKING-HAKING 18:14

Anjo limaya mata-mata le'baka nikiring riolo angkanami mae ri agang-aganna, “Nuassengi angkanaya ri kalase'renna anne ballaka nia' patung nilapisi' pera'? Nia' todong patung-patung maraeng siagang Efod. Pikkiri' sai, apa musti nigaukang.”

HAKING-HAKING 18:16

Anjo wattua niaki anjo 600 tantarana suku Dan, gannaka sanjatana, ammenteng ri dallekanna pakke'bu' lompoa.

HAKING-HAKING 18:18

Ri wattuna antama anjo tau limaya ri balla'na Mikha na naalle anjo Efod siagang patung-patung berhalaya, akkuta'nammi anjo turungka tu Lewia angkana, “Apa ngaseng anne nugaukang?”

HAKING-HAKING 18:2

Jari ammilemi ke'nanga limaya tau pore battu ri sikontu bija niaka lalang ri sukuna ke'nanga ia niaka ammantang ri Zora siagang Esytaol. Nampa nasare tugasa' anjo tau limaya amparessai anjo pa'rasanganga. Jari a'lampami anjo limaya tau, na battumo ke'nanga ri daera pa'bulukanna daera Efraim. A'bangngimi ke'nanga anjoreng ri balla'na Mikha.

HAKING-HAKING 6:31

Mingka angkanami Yoas mae ri ke'nanga, “Apaka agang maeko ri Baalka na nuero' angngalle-alleangi? Inai-nai agang mae ri Baal iami lanibuno anne alloa! Punna ma'nassa Allata'ala anjo Baal, lappassammi naia tommo kalenna larro, lanri nibongkara'na tampa' pakkoro'bangnganna.”

1 SAMUEL 19:13

Le'baki anjo angngallemi Mikhal patung rewata niaka ri balla'na nampa napadongko' ri katinroanna Daud. Nampa nasare pa'lungang bulu bembea nipare' ri tuju ulunna Daud, nampa nakalimbuki anjo patunga.

1 SAMUEL 4:11

Ia Patti ParjanjianNa Allata'ala nirampasa'mi ri musua, siagang anjo ruaya ana'na Eli, iamintu Hofni siagang Pinehas, mate tommi.