HAKING-HAKING 17:5 - KITTA' MATANGKASA'

⁵ Nakalenna untu' Mikha nia'mo se're tampa' panynyombanna. Appare'mi siapa are patung barhala siagang silawara' kaeng pannongko' barambang bajunna Imang lompoa. Nampa naangka' sitau ana'na a'jari Imang.

HAKING-HAKING 17:5 ပူးပေါင်းရင်းမြစ်များ

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

1 KARAENG-KARAENG 12:31

Appaenteng tommi Yerobeam tampa'-tampa' passambayangang maraeng ri coppo'-coppo' monconga, siagang angngangka'mi imang-imang battu ri pantaranganna kaluarga Lewi.

1 KARAENG-KARAENG 12:32

Nampa natampakkang Yerobeam anjo imang-imanga ri Betel untu' anggaukangi tugasa'na anjoreng, nampa ia kalenna assare koro'bang mae ri anjo sapi-sapi bulaeng napareka. Nampa napattantu angkana tanggala' sampulo allima bulang sagantuju allo lompo untu' Israel, sangkamma allo lompoa ri Yehuda. Anjo alloa a'lampai Yerobeam mange ri Betel siagang assare koro'bang untu' ansuarri anjo allo lompo le'baka napattantu.

EZRA 1:7

Napasulu'mi Kores sikamma mangko'-mangkoka siagang cangkiri'-cangkiri' le'baka nipake riolo lalang ri Balla'Na Batara ri Yerusalem. Anjo barang-baranga le'baki naerang Karaeng Nebukadnezar nampa naboli' lalang ri balla' rewata-rewatana.

KALAPPASSANG 24:5

Nampa nasuro Musa siapa are tau rungka, siagang assaremi ke'nanga koro'bang nitunu untu' Batara; kammayatompa ammolommi ke'nanga siapa are sapi untu' a'jari koro'bang passiamakkang.

KALAPPASSANG 28:15

“Apparekko untu' Imang Lompoa se're pa'lapa' barambang untu' nipake ri wattunna ero' niasseng angkana apa ero'Na Allata'ala. Bahanna siagang sulanna anjo pa'lapa' barambanga musti sangkammai siagang bahanna siagang sulanna efodka.

KALAPPASSANG 28:4

Suro tongi ke'nanga appare' pattongko' barambang, efod, juba, kameja nisulang, soro'bang siagang passikko' aya'. Anjo pakeang imanga musti napareki ke'nanga untu' daennu Harun siagang sikamma ana'na sollanna akkulle allayaniA' salaku imang.

KALAPPASSANG 29:9

siagang passikko' aya', nampa nupataba soro'banga irate ri ulunna ke'nanga. Kammaminjo carana nilanti' Harun siagang ana'-ana'na. Ke'nanga siagang jari-jarina ke'nanga musti allayaniA' salaku imang sa'genna satunggu-tungguna.

YESAYA 44:13

Tukang kayua naukkuruki kayua. Appareki gambara' siagang pa'leo', naukiriki siagang pakkakasa' nampa napare' a'jari patung antanja' tau ga'ga, nampa naboli' lalang ri balla'na.

YEHEZKIEL 21:21

Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

YEHEZKIEL 21:26

INakke, Batara Kaminang Tinggia anne akkana. Lappassangi songko' kakaraengannu siagang sungkei soro'bannu. Kamma-kamma anne tappinrami kaadaanga. Angkaki empoanna tau kasi-asia siagang sarei ke'nanga koasa. Panaungi sikamma tau anna'galaka kakoasang battu ri kalompoanna!

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

HOSEA 8:14

Ambangungi tu Israel siapa jaina balla' karaeng, mingka nakaluppai ke'nanga angkana inai ampa'jari kalenna. Natambai tu Yehuda kota-kota pattahanganna napila' jai, mingka lappaturungA' pepe' untu' antunui sa'genna cappu' sikamma balla' lompona siagang kota-kotana ke'nanga.”

PAMMILANGNGANG 3:10

Mingka Harun siagang sikamma ana'na musti nuangkaki untu' anggaukangi tugasa'na salaku imang; pantaranganna ke'nanga, manna pole nai ampaccoba-cobai anggaukangi anjo tugasaka musti nihukkung matei.”

IBRANI 5:4

Tenanniakka manna sitau angngangkaki kalenna a'jari imang lompo. Iapa nakkulle a'jari imang lompo taua, punna KalenNa Allata'ala angkioki – sangkamma ri nikio'na Imang Harun.

HAKING-HAKING 17:4

Ri wattunna napoterang Mikha anjo doeka mae ri amma'na, naallemi amma'na ruambilangngang battu ri anjo doeka. Nampa napassareang mae ri sitau tukang pera'. Nampa nasuro anjo tukanga appare' se're patung kayu nilapisika siagang anjo peraka. Nampa niboli' anjo patunga ri balla'na Mikha.

HAKING-HAKING 18:14

Anjo limaya mata-mata le'baka nikiring riolo angkanami mae ri agang-aganna, “Nuassengi angkanaya ri kalase'renna anne ballaka nia' patung nilapisi' pera'? Nia' todong patung-patung maraeng siagang Efod. Pikkiri' sai, apa musti nigaukang.”

HAKING-HAKING 18:24

Appialimi Mikha angkana, “Nulariangi patung-patungku siagang imanna, sa'genna tenamo apa-apangku, nampa nukana ‘Apa kutadeng?’ ”

HAKING-HAKING 18:30

Anjo patung barhala naeranga ke'nanga, napaentengi anjoreng ri kotaya, nampa naangka' Yonatan, ana'na Gersom, cucunna Musa, a'jari imang mae ri ke'nanga. Iaminne jari-jarina Gersom tuli a'jari imang ri suku Dan sa'genna narapi' jammang nieranna nipela' umma' Israel mange ri pa'rasangang maraeng.

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.

1 SAMUEL 19:13

Le'baki anjo angngallemi Mikhal patung rewata niaka ri balla'na nampa napadongko' ri katinroanna Daud. Nampa nasare pa'lungang bulu bembea nipare' ri tuju ulunna Daud, nampa nakalimbuki anjo patunga.

1 SAMUEL 23:6

Ri wattunna lari mange ri Daud anjo Abyatar ana'na Ahimelekh, namminawang ri Daud mange ri Kehila, angngerang tongi efod.