HAKING-HAKING 17:2 - KITTA' MATANGKASA'

² Ri se'reang allo nakanamo ri amma'na, “Amma', ri wattunna tappela' doe' peratta sisa'bu sibilangngang, kulangngereki kitunra palukkaka. Anne doetta amma'! Inakkemi allukkaki.” Appialimi amma'na nakana, “Poro Nabarakkakiko Batara, na'.”

HAKING-HAKING 17:2 ပူးပေါင်းရင်းမြစ်များ

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

PANGNGEBARANG 28:24

Inai allukkaki tau toana siagang nakana teai dosa anjo kammaya, sangkammai palukka'-palukka' maraenga.

YEREMIA 48:10

Nitunrai tau tenaya naero' anggaukangi tugasa' battua ri Batara siagang attojeng-tojeng. Nitunrai tau tenaya nabi'buki pa'danna untu' ammuno.

MATIUS 26:74

Assumpa-sumpa tojemmi Petrus nakana, “Matea' naung, tena tojeng nakuassengi anjo taua!” Anjo wattua attingkokomi janganga.

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

PAOLE 27:16

‘Nitunrai tau tenaya napakala'biriki tau toana siagang nabalang parekangi ke'nanga ta'ronang-ronang tallasa'na.’ ‘Aming!’

2 YOHANES 1:11

Nasaba' inai-nai a'barisallang mae ri anjo tau kammaya, ma'nassa amminawang tommi siagang anjo taua anggaukangi panggaukang ja'dalaka.

HAKING-HAKING 17:1

Nia' sitau bura'ne niarenga Mikha. Anjorengi ammantang ri bulu'na Efraim.

HAKING-HAKING 17:3

Napoterammi Mikha anjo doeka mae ri amma'na. Na nakanamo amma'na, “Sollanna nuta'lappasa battu ri anjo tunra kupaua na', kupassareammi anne peraka mae ri Batara untu' nipake appare' patung kayu, nilapisika pera'. Jari kupoterangi anne doeka mae ri kau.”

HAKING-HAKING 5:23

“Tunrai Meros, nabonena, nasaba' battuna ke'nanga teai untu' ambantu a'jari pahlawang barjuanga untu' Batara, kammanjo kananna Malaeka'Na Batara.”

RUT 3:10

Nakanamo Boas, “Tapporo Nabarakkakiko Batara anakku. Punna nipasinrapangi apa le'baka nugaukang mae ri matoang bainenu, anne apa nugaukanga ri kamma-kammaya anne ma'nassa la'bi lompoangangi pole pangngainu. Akkullejako a'boya bura'ne ia la'bi rungkangnganga ri tau kalumanynyanga yareka tu kasi-asia, mingka tena nanugaukangi anjo kammaya.

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 14:28

Nampa nia'mo kalase'renna anjo tantaraya angkana ri ia, “Ikambe anne tena ngasemmo nikullei lanri cipurutta. Mingka le'ba'mi manggeta ansumpaki angkana ‘Cilakai tau angnganrea anne alloa.’ ”

1 SAMUEL 15:13

Assibuntulu'na Samuel siagang Saul, nakanamo Saul ri ia, “Tapporo Nabarakkakiki' Batara bapa'! Le'ba'mi kugaukang Naparentakanga Batara.”

1 SAMUEL 23:21

Appialimi Saul angkana, “Tapporo nibarakkaki ngasengko ri Batara lanri a'gau' baji'nu mae ri nakke!

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.