HAKING-HAKING 17:10 - KITTA' MATANGKASA'

¹⁰ Nakanamo Mikha, “Ammantammako siagang inakke anrinni sollannu a'jari imang siagang assare pappakainga' mae ri kambe. Kusarepako sampulo doe' pera' sitaung kammayatompa care-care siagang kanre”.

HAKING-HAKING 17:10 ပူးပေါင်းရင်းမြစ်များ

PA'JARIANG 45:8

Jari, teai passabakkang ikau ngaseng nakunia' anrinni, mingka passala' Allata'ala. Iami ampa'jaria' pagawe kaminang tinggi ri karaeng Mesir. Nisarema' koasa mae ri sikontu bone balla'na siagang mae ri sikontu pa'rasangang Mesir.

2 KARAENG-KARAENG 13:14

Ri se'reang wattu garring sannaki Na'bi Elisa, na nia' battu Karaeng Yoas antoaki. Ri wattunna nacini' angkanaya la'birimmi mate Elisa, angngarru'mi karaenga siagang nakanamo, “O Bapakku, Bapakku, pannulung lompona tu Israel!”

2 KARAENG-KARAENG 2:12

Naciniki Elisa anjo kammaya nampa akkio' angkana, “Elia, bapakku! Bapakku! Pajagana Israel malompoa! Tenami bapakku!” Jari lanynya'mi Elia battu ri paccini'na Elisa. Si'nami nyawana Elisa na nakekke' jubana a'jari rua.

2 KARAENG-KARAENG 6:21

Ri wattunna nacini' karaeng Israel anjo tu Siria, akkuta'nammi ri Elisa angkana, “Elisa, apaka musti kubunoi anne taua ngaseng?”

AYUB 29:16

Mae ri tu kasi-asia inakke a'jari rapang mangge; mae ri tubattu-battua, inakke angngalleangangi.

YESAYA 22:21

Pakeang kalompoannu siagang passikko' aya'nu laKupatabai mae ri ia. Sikontu kakoasannu laKupassareangi mae ri ia. Ia la'jari bapa' mae ri pandudu'na Yerusalem siagang Yehuda.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

MATIUS 26:15

Nakanamo ri ke'nanga, “Apa lanusareanga' punna kupassareang Isa ri kau?” Nisaremi ri ke'nanga tallumpulo doe' pera'.

YOHANES 12:6

Nakkana kamma anjo Yudas, teai lanri nakamaseanna tu kasi-asia, passangalinna nasaba' palukkaki. Biasai naalle doe' nibolika, nipappirannuanga ri ia niboli'.

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

HAKING-HAKING 17:11

Situjumi anjo turungka battua ri Lewi. Na niangka'mo a'jari imang ri Mikha. Ammantammi ri balla'na Mikha, na nipare' kamma ana' kalenna Mikha.

HAKING-HAKING 17:9

Akkuta'nammi Mikha ri ia angkana, “Tu battu kemaeko sari'battang?” Appialimi anjo taua angkana, “Inakke tu Lewi, battua' ri Betlehem ri Yehuda. A'boya-boya' anne pammantangang.”

HAKING-HAKING 18:4

Appialimi anjo turungkaya angkana, “Niakka' anrinni lanri Mikha. Ia angngangkakka' a'jari imanna na nasarea' gaji.”

1 SAMUEL 2:36

Massing-massing turungannu attallasaka ija, lamangei ri anjo imanga untu' appala' doe' siagang kanre. Lanapalaki angkana: Kipa'bianga' ambantui sikamma imanga, sollanna kukkulle anggappa kanre manna nasisoanja.”