HAKING-HAKING 16:5 - KITTA' MATANGKASA'

⁵ Nia'mo lima tu anna'gala' koasa ri Filistin battu mange ri anjo bainea. Nakanamo ke'nanga, “Nyonyo'mi Simson sollanna ero' ampauangko angkana apa rahasia kagassinganna, siagang antekamma carana nakkulle tappela' anjo kagassinganna. Jari akkullemi battu ikambe untu' ansikkoki nanibeta. Nisarepako sallang doe' pera', massing-massingki' assareko sisa'bu assibilangngang sitau.”

HAKING-HAKING 16:5 ပူးပေါင်းရင်းမြစ်များ

PA'JARIANG 33:16

Kammaminjo, anjo alloa ammotere'mi Esau mae ri Edom.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

MATIUS 26:15

Nakanamo ri ke'nanga, “Apa lanusareanga' punna kupassareang Isa ri kau?” Nisaremi ri ke'nanga tallumpulo doe' pera'.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

HAKING-HAKING 14:15

Jari, ri makaappa'na alloa, nakanamo ke'nanga ri bainenna Simson, “Nyonyo' sai anjo bura'nennu sollanna ero' ampaui ri kambe apa battuanna anjo tappu-tappuanga. Punna tena, lakitunuko siagang sikontu bone balla'na manggenu. Iaji padeng nanuundangki' lanri ero'na nupacappu' apa-apanna ikambe!”

HAKING-HAKING 16:4

Le'baki anjo tu'guru' ero'mi Simson mae ri se'reang baine battua ri Lappara' Sorek. Niarengi Delila anjo bainea.

HAKING-HAKING 16:6

Jari nakanamo Delila ri Simson, “Apa saba'na nanugassing kamma Simson? Apapi nisikkokangko sollanna tappela' anjo kagassingannu? Pauang sa' bedeng rahasiana!”

HAKING-HAKING 17:2

Ri se'reang allo nakanamo ri amma'na, “Amma', ri wattunna tappela' doe' peratta sisa'bu sibilangngang, kulangngereki kitunra palukkaka. Anne doetta amma'! Inakkemi allukkaki.” Appialimi amma'na nakana, “Poro Nabarakkakiko Batara, na'.”

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

1 SAMUEL 29:6

Jari Akhis nakio'mi Daud nampa nakana ri ia, “Tappaka' lanri Batara mattallasaka, angkanaya tamamminrayako mae ri nakke. Rannua' punna nururunganga' lalang ri anne pa'bundukanga. Nasaba' baku' battunu mae ri nakke sa'genna kamma-kamma anne, tenapa kasalannu kugappa. Mingka sikamma karaeng maraenga tena nangaia'.