HAKING-HAKING 16:28 - KITTA' MATANGKASA'

²⁸ Anjo wattua appala' doammi Simson. Nakana, “O Batara Kaminang Tinggia, poro Kiu'rangi laloa'. Kisare laloa' pole kagassingang anne sikalia, o Allata'ala, sollanna lalang kammana anne akkullei kubalasa' tu Filistin le'baka ampasuluki lisere' matangku”.

HAKING-HAKING 16:28 ပူးပေါင်းရင်းမြစ်များ

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

PAMMUJI 10:12

Ammenteng maKi', o, Batara, hukkungi tu ja'dalaka! Kiu'rangi tau nijallakkanga!

PAMMUJI 116:4

Jari akkio'ma' mae ri Batara, angkana, “O, Batara, kupalaki, naKipasalamaka'!”

PAMMUJI 143:12

Lanri pangngamaseanTa Kitumpasaki sikontu musungku, kiancuruki sikontu tau anjallakkangia', saba' inakke atanTa'.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

YEREMIA 15:15

Nampa kukanamo, “Batara, Kipahangi. U'rangia' siagang tulunga'. Pa'balassanga' mae ri anjo ke'nanga angngondanga' siagang anjallakkanga'. TeaKi' sa'bara' dudui mae ri ke'nanga sa'genna akkulle sallang ke'nanga ambunoa'. Kiu'rangi angkanaya lanri iKatte nakunihina.

2 TIMOTIUS 4:14

Aleksander, anjo tukang tambagaya sanna' ja'dala'na panggaukanna mae ri nakke. Mingka lanibalasaki ri Batara situru' anjo panggaukanna.

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

HAKING-HAKING 15:18

Nampa turere dudumo nasa'ring Simson. Akkio'mi mae ri Batara, angkana, “Silalongku Kisare pammetang lompo. Maka lamate tangnginunga' kamma-kamma anne sa'gengku najakkala' tu Filistin tenaya nanaassengKi'?”

HAKING-HAKING 16:27

Anjo bangunanga sanna' rassina tau. Manna limaya tukoasaya ri Filistin nia' tongi anjoreng. Na ri loteng rateanna anjo bangunanga nia' kira-kira 3.000 tau. Accini'-cini' ngasemmi ke'nanga siagang nacau-caumi Simson.

HAKING-HAKING 16:29

Le'baki anjo nata'gala'mi Simson anjo ruaya benteng pattula' lompona bangunanga. Nampa atu'dang rua-rua limanna ri anjo benteng pattula' lompoa.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.