HAKING-HAKING 16:21 - KITTA' MATANGKASA'

²¹ Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.

HAKING-HAKING 16:21 ပူးပေါင်းရင်းမြစ်များ

2 KARAENG-KARAENG 25:7

Sikamma ana'na nibunoi ri dallekanna. Le'baki anjo nioke'mi matanna, nampa nisikko' siagang nierang mange ri Babel.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

PAMMUJI 149:8

untu' ansikkoki sikamma karaenga, siagang anrantei sikamma pamarentana ke'nanga;

KALAPPASSANG 11:5

Tungga'-tunggala' ana' toa bura'nena tu Mesir lamate ngasengi, appakkaramula ri ana'na Karaeng Mesir sa'genna ana'na ata baine padengka gandunga. Kammayatompa sikontu ana' bungasa'na sikontu olo'-olo' piaraya lamate ngaseng tongi.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

PANGNGEBARANG 2:19

Tau a'lampaya mange ri ia talammoterami mange ri oloang lamangea ri katallassanga.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 47:2

Anggiling mako labu' siagang batu; sungkemi bongonnu, angkaki ro'nu sa'genna kaccinikang bitisi'nu, siagang a'limbang mako ri binanga-binangaya.

YEREMIA 39:7

Le'baki anjo nikocci'mi assulu' matanna Zedekia, nampa nisikko' na nierang mange ri Babel.

PIRAUNG 5:13

Nipassai turungkana ikambe anjama battala' ri panggilinganga, ana' bura'nea niutungi ri kayu pisanganna sa'genna kodi nasa'ring.

PAMMILANGNGANG 16:14

Sikontutojenna tena nanuerangi ikambe mange ri butta copponga yareka tena nanusarei ikambe koko siagang koko anggoro' untu' pisaka mae ri kambe! Kamma-kamma anne erokko antipui ikambe! Tena! Tena naero' ikambe battu mae ri kau!”

MATIUS 24:41

Rua baine sitabang a'dengka ase: sitau lanierang, na sitau laniboli'.

HAKING-HAKING 16:20

Nampa ammarrang angkana, “Simson! Niaki battu tu Filistin!” Ambangummi Simson nanapikkiri' kapang angkana akkullei tallappasa' sangkamma allalo-lalloa. Tanaassengai angkanaya nibokoimi ri Batara.

HAKING-HAKING 16:22

Mingka lalanna anjo wattua appakkaramulami attimbo poleang uu'na.