HAKING-HAKING 16:20 - KITTA' MATANGKASA'

²⁰ Nampa ammarrang angkana, “Simson! Niaki battu tu Filistin!” Ambangummi Simson nanapikkiri' kapang angkana akkullei tallappasa' sangkamma allalo-lalloa. Tanaassengai angkanaya nibokoimi ri Batara.

HAKING-HAKING 16:20 ပူးပေါင်းရင်းမြစ်များ

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

HOSEA 7:9

Tanaassengai kalenna ke'nanga angkanaya lanri assibengkoro'nami ke'nanga siagang anjo bansa-bansa maraenga, natappela'mo kagassinganna ke'nanga. A'reppese'mi allo kala'busanna riwaya'na ke'nanga, mingka tanaassengai kalenna ke'nanga.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

MATIUS 17:16

Le'ba'mi kuerang mange ri ana'-ana' gurunTa, mingka tanakulleai ke'nanga amballei.”

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

2 KORINTUS 3:5

Tena manna sirupa kagassingang ri kalenna ikambe nakkulle ikambe anggaukangi anne jama-jamanga; mingka Allata'ala assarei pakkulle ikambe.

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

YOSUA 7:12

Iaminjo saba'na natenamo nakkulle attahang ke'nanga andallekangi musua. Nitunrungi nipamono' boko ke'nanga ri musua, lanri kalenna ke'nanga nipitujuimi hukkungang untu' niancuru'. Tenamo nalaKururungangko, punna tenapa naniancuruki anjo barang-barang tenaya nakkulle nialle.

HAKING-HAKING 16:14

Jari nipa'jari attinromi Simson ri Delila. Nampa napasiotere' tuju lawara' uu'na Simson siagang bannang niaka ri pakkakasa' tannunga. Le'baki anjo nasikko'mi mae ri anjo kayu pakkakasa' tannunga. Nampa ammarrang angkana, “Simson! Niaki tu Filistin battu!” Ambangummi Simson nampa nabeso' uu'na sa'genna ta'lappasa' battu ri anjo pakkakasa' tannunga.

HAKING-HAKING 16:19

Le'baki anjo nisapu-sapumi Simson ri Delila sa'genna attinromi ri bonggana. Nampa akkio' tau nanasuro polong uu'na Simson. Nampa appakkaramulamo nasikko' Simson, lanri tappela'mi kagassinganna.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.

HAKING-HAKING 16:3

Mingka tena nattinro Simson sa'genna bari'basa'. Ri tangngana bangngia ambangummi nampa a'lampa mange ri pakke'bu' lompona kotaya. Nalakka' ngasemmi pakke'bu'na nampa napisang naerang nai' ri cappa'na bulu' ba'leanna Hebron.

1 SAMUEL 16:14

Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.

1 SAMUEL 18:10

Ammukona niaki Saul lalang ri balla'na, sitabang nata'galaki pokena. Nati'ring nibattuimo ri roh ja'dala' nisuroa ri Allata'ala, sa'genna a'jallo'mo sangkamma tupongoro'. Anjo wattua sitabangi Daud akkarena kacapi sangkamma biasa.

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.