HAKING-HAKING 16:18 - KITTA' MATANGKASA'

¹⁸ Naassemmi Delila angkanaya nasungkemi rahasia ri atinna Simson. Jari akkirimmi kabara' mae ri tukoasana tu Filistin angkana, “Battu ngasemmaki' pole sikali. Nacaritami rahasiana Simson mae ri nakke!” Battumi ke'nanga na napangngerangngammo doe' Delila.

HAKING-HAKING 16:18 ပူးပေါင်းရင်းမြစ်များ

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

PAMMUJI 62:9

He, bansaku, manrannuangko ri Allata'ala lalang sikontu wattunnu; pabattui ri Ia bonena atinnu, saba' Iami tampa' pa'la'langanta.

PANGNGEBARANG 18:8

Anjo appitinaya bajiki kasia'na; nangai naa'lu' taua.

PAMMILANGNGANG 22:7

Jari a'lampami sikamma pamimpinna tu Moab siagang tu Midian angngerang passare untu' lanapassareang mae ri Bileam, sollanna ero' antunrai tu Israel. Battuna ke'nanga mange ri Bileam, napabattumi ke'nanga mae ri ia anjo pasanna Karaeng Balak.

MATIUS 26:15

Nakanamo ri ke'nanga, “Apa lanusareanga' punna kupassareang Isa ri kau?” Nisaremi ri ke'nanga tallumpulo doe' pera'.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

HAKING-HAKING 16:17

Kala'busanna nasungkemi rahasiana Simson. Nakanamo Simson, “Tena le'bakapi nipolong uukku. Le'ba'ma' nipassareang ri Allata'ala a'jari tau nipileNa. Appakkaramula ri lassukku a'jari tuattinja' memamma'. Punna nipolong uukku, tappela'mi kagassingangku, la'jari lammama' sangkamma tau biasaya.”

HAKING-HAKING 16:19

Le'baki anjo nisapu-sapumi Simson ri Delila sa'genna attinromi ri bonggana. Nampa akkio' tau nanasuro polong uu'na Simson. Nampa appakkaramulamo nasikko' Simson, lanri tappela'mi kagassinganna.

HAKING-HAKING 16:5

Nia'mo lima tu anna'gala' koasa ri Filistin battu mange ri anjo bainea. Nakanamo ke'nanga, “Nyonyo'mi Simson sollanna ero' ampauangko angkana apa rahasia kagassinganna, siagang antekamma carana nakkulle tappela' anjo kagassinganna. Jari akkullemi battu ikambe untu' ansikkoki nanibeta. Nisarepako sallang doe' pera', massing-massingki' assareko sisa'bu assibilangngang sitau.”