HAKING-HAKING 16:15 - KITTA' MATANGKASA'

¹⁵ Nakanamo Delila, “Nukana nungaia', padahala' bellai pa'mai'nu ri nakke! Pintallumma' nukarek-karenai. Sa'genna kamma-kamma anne tenapa nanupauanga' apa saba'na nanugassing kamma.”

HAKING-HAKING 16:15 ပူးပေါင်းရင်းမြစ်များ

PA'JARIANG 29:20

Jari anjamami Yakub tuju taung sallona untu' anggappai Rahel. Nallallomo anjo taung-taunga sanrapang pirangalloji bawang ri pakkasia'na Yakub lanri sanna' mangngaina ri anjo tuloloa.

2 SAMUEL 16:17

Mingka akkuta'nammi Absalom ri ia angkana, “Kemae pa'mai' tamamminranu mae ri sahaba'nu Daud? Angngapa natena numminawang ri ia?”

NEHEMIA 6:4

Sa'genna pingngappa' ke'nanga akkiring undangang sangkammaya riolo mae ri nakke, mingka tuli kubalasa' tongi sangkamma riolo.

PANGNGEBARANG 2:16

Ikau ana', lakkullei nutolla' panynyonyo'na baine ja'dalaka, ia eroka angngallei pa'mai'nu, ammake kana-kana te'ne.

PANGNGEBARANG 23:26

Parhatikangi baji'-baji', siagang contoi tallasa'na, ana'!

YOHANES 14:15

“Punna nukamaseangA', lanugaukangi sikontu parentaKu.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;

HAKING-HAKING 14:16

Jari mangemi bainenna Simson angngarru' ri dallekanna Simson, na nakana, “Kuassengi angkanaya nungaia'. Mingka angngapa na nusare tappu-tappuang agangku, na tena nupauanga' battuanna. Tantu nukabirisia'!” Nakanamo Simson, “Tayangi rolong! Kamanna tau toaku tena todong nakupauangi. Angngapa namusti kupau ri kau?”

HAKING-HAKING 16:14

Jari nipa'jari attinromi Simson ri Delila. Nampa napasiotere' tuju lawara' uu'na Simson siagang bannang niaka ri pakkakasa' tannunga. Le'baki anjo nasikko'mi mae ri anjo kayu pakkakasa' tannunga. Nampa ammarrang angkana, “Simson! Niaki tu Filistin battu!” Ambangummi Simson nampa nabeso' uu'na sa'genna ta'lappasa' battu ri anjo pakkakasa' tannunga.

HAKING-HAKING 16:16

Allo-allona tuli a're'ngese' Delila, sa'genna lanremo Simson allangngereki.