HAKING-HAKING 15:7 - KITTA' MATANGKASA'

⁷ Nakanamo Simson mae ri anjo tu Filistin, “O, kammaminne batenu appanggaukang? Assumpa' angkana tena kulammari punna tena nale'ba' kubalasa' mae ri kau ngaseng!”

HAKING-HAKING 15:7 ပူးပေါင်းရင်းမြစ်များ

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 14:4

Tanaassengai tau toana Simson angkana Batara ampagioki Simson na nagaukang anjo kammaya. Nasaba', a'boyai kasampatang Batara untu' ambunduki tu Filistin. Anjo wattua, nikoasai tu Israelka ri tu Filistin.

HAKING-HAKING 15:6

Nasalidikimi tu Filistin angkana inai anjo ampanggaukang kamma. Na nipauammo ke'nanga angkana Simson ampanggaukang, lanri le'baki napassareang matoang bura'nena ri Timna anjo bainenna Simson mae ri aganna Simson. Jari nitunumi ri tu Filistin anjo bainea siagang sikontu bone balla'na manggena, sa'genna la'busu'.

HAKING-HAKING 15:8

Nampa nabundukimo siagang nasessa-sessami ke'nanga. Jaimi tau ri ke'nanga nabuno. Le'baki anjo, a'lampami mange ammantang ilalang ri se'reang kali'bong batu, irate ri bulu' batua ri Etam.