HAKING-HAKING 15:6 - KITTA' MATANGKASA'

⁶ Nasalidikimi tu Filistin angkana inai anjo ampanggaukang kamma. Na nipauammo ke'nanga angkana Simson ampanggaukang, lanri le'baki napassareang matoang bura'nena ri Timna anjo bainenna Simson mae ri aganna Simson. Jari nitunumi ri tu Filistin anjo bainea siagang sikontu bone balla'na manggena, sa'genna la'busu'.

HAKING-HAKING 15:6 ပူးပေါင်းရင်းမြစ်များ

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

HAKING-HAKING 12:1

Anjo wattua sadiai suku Efraim ero' a'lampa mange a'bundu'. A'lampami ke'nanga, na' limbang ri Binanga Yordan, mange ri Zafon. Nakanamo ke'nanga ri Yefta, “Angngapa nu'lampa ambunduki bansa Amon na tena nukio' tongki'? Kamma-kamma anne lakitunuko siagang sikontu bone balla'nu.”

HAKING-HAKING 14:15

Jari, ri makaappa'na alloa, nakanamo ke'nanga ri bainenna Simson, “Nyonyo' sai anjo bura'nennu sollanna ero' ampaui ri kambe apa battuanna anjo tappu-tappuanga. Punna tena, lakitunuko siagang sikontu bone balla'na manggenu. Iaji padeng nanuundangki' lanri ero'na nupacappu' apa-apanna ikambe!”

HAKING-HAKING 15:5

Le'baki anjo naparinrami anjo suloa nampa nalappassang ngaseng anjo serigalaya, na nabongka antama ri sikamma kokonna tu Filistin. Akkanre ngasemmi sikontu ase gandung le'baka nikatto anjoreng. Ba'lalo amminawang tommi akkanre sikamma koko anggoroka.

HAKING-HAKING 15:7

Nakanamo Simson mae ri anjo tu Filistin, “O, kammaminne batenu appanggaukang? Assumpa' angkana tena kulammari punna tena nale'ba' kubalasa' mae ri kau ngaseng!”