HAKING-HAKING 15:5 - KITTA' MATANGKASA'

⁵ Le'baki anjo naparinrami anjo suloa nampa nalappassang ngaseng anjo serigalaya, na nabongka antama ri sikamma kokonna tu Filistin. Akkanre ngasemmi sikontu ase gandung le'baka nikatto anjoreng. Ba'lalo amminawang tommi akkanre sikamma koko anggoroka.

HAKING-HAKING 15:5 ပူးပေါင်းရင်းမြစ်များ

2 SAMUEL 14:30

Nampa nakanamo Absalom mae ri ata-atanna, “Nuassengi kokonna Yoab ri ba'leanna kokongku nilamungia jelai? Tunui anjo kokoa.” A'lampami ke'nanga antunui.

KALAPPASSANG 22:6

Inai-nai apparinra pepe' ri kokonna nampa a'la'ba' anjo pepeka mae ri kokonna tau maraenga siagang nakanre gandunna taua sa'genna la'busu', baji gandung attimboa yareka kawarrang le'baka nikatto, anjo tau apparinraya pepe' musti a'bayaraki sambe karugiang.

KALAPPASSANG 23:11

Mingka ri taung makatujua anjo buttaya musti nuboliki bawang. Lalanna anjo taunga takkulleako angngallei apa attimbo kale-kalea ri kokonnu. Boli'mi kamma anjo nanaalle tu kasi-asia, nampa sesanna untu' olo'-olo' liaraka. Kamma tomminjo nugaukang mae ri koko anggoro'nu siagang poko'-poko' zaitunnu.

HAKING-HAKING 15:4

Mangemi anjakkala' tallum bilangngang serigala. Nampa napassisikkokang ingkonna ta'rua-rua anjo serigalaya. Na nasarei sulo ri pa'ruppang passikko'na.

HAKING-HAKING 15:6

Nasalidikimi tu Filistin angkana inai anjo ampanggaukang kamma. Na nipauammo ke'nanga angkana Simson ampanggaukang, lanri le'baki napassareang matoang bura'nena ri Timna anjo bainenna Simson mae ri aganna Simson. Jari nitunumi ri tu Filistin anjo bainea siagang sikontu bone balla'na manggena, sa'genna la'busu'.