HAKING-HAKING 15:19 - KITTA' MATANGKASA'

¹⁹ NaNasungkemo Allata'ala se're kali'bong ri anjo bulu' batua ri Lehi, nampa assulu'mo je'neka battu anjoreng. Angnginummi Simson sa'genna baji'mi nasa'ring ammotere'. Iaminjo saba'na naniareng timbuseng je'neka “Timbuseng je'ne' Hakor” Anjo timbuseng je'neka nia' iji ri Lehi.

HAKING-HAKING 15:19 ပူးပေါင်းရင်းမြစ်များ

PA'JARIANG 16:13

Akkuta'nammi Hagar lalang ri pa'mai'na angkana, “Maka kucini' tojemmi Allata'ala, Ia anjampangiai kalengku?” Naaremmi anjo Batara a'bicaraya ri kalenna, “Allata'ala Manjampangia”.

PA'JARIANG 28:19

Naaremmi anjo tampaka Betel. (Riolo arenna Lus.)

PA'JARIANG 30:30

Ri tenanapa kubattu tena nasiapa barang-baranta, mingka kamma-kamma anne kalumanynyang maki' purina. Nabarakkaki maki' Batara lanri inakke. Kamma-kamma anne narapi'mi wattunna sollangku anjama untu' kalenna kaluargaku.”

PA'JARIANG 45:27

Mingka le'ba'namo nacarita ngaseng ke'nanga apa napaua Yusuf mae ri ke'nanga, siagang nacini'namo kareta nakiringa Yusuf untu' angngallei siagang angngerangi mange ri Mesir, angngu'rangimi ri takkajannanna.

PAMMUJI 110:7

Langnginungi karaenga battu ri binanga biring aganga, ri le'ba'namo nipakagassing, ammetami.

PAMMUJI 120:1

Kelong siara. Lalang kasusaangku akkioka' mae ri Batara, na Napialia'.

PAMMUJI 34:6

Tu nijallakkanga manrannuangi ri Ia nampa a'jari rannumo, tenamo saba'na lasiri'-siri' ke'nanga.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

KALAPPASSANG 17:15

Nampa appaentemmo Musa se're tampa' pakkoro'bangngang na naareng “Batarami Banderaku”.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YESAYA 40:29

Napakajarreki tau posoa, Nasarei sumanga' tau tenaya kullena.

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

PAMMILANGNGANG 20:11

Nampa naangka' Musa anjo takkanga na natunrung pinruang anjo bulu' batua. Jari assolong sarrimmi je'neka battu ri anjo batua, sa'genna akkulle ngasemmo angnginung taua siagang olo'-oloka.

HAKING-HAKING 15:9

Jari mangemi tu Filistin ri daera Yehuda nampa appare' kema anjoreng. Nampa nabunduki kota Lehi.

1 SAMUEL 30:12

kammayatompa kanrejawa rappo ara, siagang ruang tangke anggoro' kalotoro'. Le'baki angnganre, gassimmi ammotere'. Ma'nassami angkana tallungallomi tangnganre tangnginung!