HAKING-HAKING 15:18 - KITTA' MATANGKASA'

¹⁸ Nampa turere dudumo nasa'ring Simson. Akkio'mi mae ri Batara, angkana, “Silalongku Kisare pammetang lompo. Maka lamate tangnginunga' kamma-kamma anne sa'gengku najakkala' tu Filistin tenaya nanaassengKi'?”

HAKING-HAKING 15:18 ပူးပေါင်းရင်းမြစ်များ

PA'JARIANG 20:11

Appialimi Abraham angkana, “Kupikkiriki angkanaya tena sikali tau malla' ri Allata'ala anrinni, sa'genna akkullea' nabuno taua ia eroka mae ri bainengku.

PA'JARIANG 32:31

Ri wattunna ammumbamo alloa, nabokoimi Yakub Pniel, siagang akkeppammi lanri tassalai poko' bongganna.

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

YOHANES 19:28

Naassemmi Isa angkanaya kamma-kamma anne le'ba' ngasemmi, na sollanna a'rupamo apa tattulisika lalang ri Kittaka, Nakanamo, “TurereA'.”

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

HAKING-HAKING 14:3

Mingka nakanamo tau toana, “Angngapa numusti a'lampa a'boya baine ri tu Filistin, tu tenaya nantama ri golongang umma'Na Batara? Tenaka tulolo baji' lalang ri golonganta todong, yareka lalang ri bansata?” Appialimi Simson ri manggena, angkana, “Mingka kaiaminjo tulolo Filistin kukaeroki. Nakuminasai nakimangemo ampassuroanga'.”

HAKING-HAKING 15:17

Le'baki anjo napela'mi anjo buku gigia. Iaminjo saba'na na niaremmo anjo tampaka Ramat-Lehi (battuanna bulu' buku gigi).

HAKING-HAKING 16:28

Anjo wattua appala' doammi Simson. Nakana, “O Batara Kaminang Tinggia, poro Kiu'rangi laloa'. Kisare laloa' pole kagassingang anne sikalia, o Allata'ala, sollanna lalang kammana anne akkullei kubalasa' tu Filistin le'baka ampasuluki lisere' matangku”.

HAKING-HAKING 8:4

Anjo wattua battumi Gideon siagang anjo tallum bilangnganga taunna ri ba'leanna Binanga Yordan. Mangngang sikalimi ke'nanga mingka tuli naondanna ija musunna.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”