HAKING-HAKING 15:14 - KITTA' MATANGKASA'

¹⁴ Ri wattunna battu mae ri Lehi nierang Simson massing lari-larimi battu tu Filistin mange anggora-gorai. Ti'ring a'jari kassa'mi Simson lanri kakoasanNa Batara. Natappu'-tappu'mi anjo otere' passikko' limanna, sangkamma le'ba' angkana otere' ammutung anjo otereka garana.

HAKING-HAKING 15:14 ပူးပေါင်းရင်းမြစ်များ

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

PAMMUJI 118:11

Natammulilia' ke'nanga battu ri kere-keremae; lanri koasaNa Batara, kubetai ke'nanga.

PAMMUJI 18:34

Ia ampa'jari kassaki bangkengku sanrapang bangkeng jonga, siagang anjagai kasalamakkangku ri monconga.

KALAPPASSANG 14:3

Lanakapangi Karaeng Mesir angkanaya a'deteki tu Israel ri anne pa'rasanganga nampa lingu ri parang lompoa.

KALAPPASSANG 14:5

Nalangngere'na Karaeng Mesir angkana larimi bansa Israel, assesse'lalammi siagang sikamma pagawena. Nakanamo, “Apa musti nigaukang? Angngapa nanilappassang anjo tu Israelka a'lampa sa'genna tenamo atanta?”

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 14:6

na ti'ring a'jari kassa'mo Simson lanri kakoasanNa Batara. Na nabi'nya'-bi'nyara'mo anjo singaya siagang limanna, sangkamma le'ba' angkana bembeji anjo singaya. Tena nacaritai Simson mae ri tau toana anjo apa kajarianga.

HAKING-HAKING 15:13

Nakanamo ke'nanga, “Baji'mi. Nasaba' lanisikko' jako bawang nampa nipassareangko mae ri tu Filistin. Tena nalanibunoko.” Nampa nisikko'mi Simson siagang rua otere' beru, nampa nierang ri ke'nanga battu ri anjo kali'bong batua.

HAKING-HAKING 15:9

Jari mangemi tu Filistin ri daera Yehuda nampa appare' kema anjoreng. Nampa nabunduki kota Lehi.

HAKING-HAKING 16:12

Lalang attayanna tu Filistinga ri kamara' maraenga, angngallemi Delila siapa are otere' beru, nampa nasikko' Simson. Le'baki anjo ammarrammi angkana, “Simson! Niaki tu Filistin battu.” Mingka natappu'mi Simson anjo otere' niaka ri limanna sangkamma tau annappuka bannang.

HAKING-HAKING 16:24

Lalang a'rannu-rannuna ke'nanga nanakanamo ke'nanga, “Erangi Simson mae nania' nipare' pammakkallang!” Jari niallemi Simson ri ke'nanga battu ri tarungkua, nampa napare' kakka'-kakkallang. Nasuromi ammenteng ri alla'na rua benteng tembo' lompo. Nacini'na ke'nanga Simson, akkelong-kelommi ke'nanga mamuji-muji ri Dagon, nakana, “Nasaremaki' pammetang rewatanta mae ri musu le'baka ampanraki pa'rasanganta siagang ammunoa sijaiang tau bansata!”

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

HAKING-HAKING 5:30

“Sitabangi ke'nanga a'bage-bage barang rampasang se're tantara anggappa se're yareka rua tulolo bageanna Sisera iamintu parekang baju kaminang ka'jalaka anggaranna, untu' karaeng bainea bongong a'rupa-rupaya sulanna.”

1 SAMUEL 10:10

Ri wattunna battu Saul siagang palayanna mange ri Gibea, assibuntulu'mi ke'nanga siagang sipa'rappungang na'bi. Anjo memang wattua nikoasaimi Saul ri RohNa Allata'ala, namminawang tommo a'joge' siagang akkiok-kio' siagang ngaseng anjo na'bi-na'bia.

1 SAMUEL 10:6

Anjo memang wattua lanakoasaiko RohNa Batara siagang lamminawangko a'joge' kammayatompa lakkiok-kio' siagang ke'nanga, nampa laniberui sipa'nu a'jari tau maraeng.

1 SAMUEL 11:6

Nalangngere'na Saul anjo kabaraka, nikoasaimi ri RohNa Allata'ala.

1 SAMUEL 17:35

naondangi atanta anjo olo'-olo' kammaya nampa nalappassangngi, sa'genna napasalama'mo atanta anjo gimbalaka. Siagang punna singa siagang beruang angngewai atanta, nata'gala'mi atanta kallonna, nampa natunrung atanta sa'genna mate.

1 SAMUEL 4:5

Battunamo anjo Patti Parjanjianga mae ri kemaya, a'gora-gora lompomi tu Israel, sa'genna ta'ge'goso' buttaya.