HAKING-HAKING 15:12 - KITTA' MATANGKASA'

¹² Nakanamo ke'nanga, “Battui anne ikambe untu' ansikkokko nampa nipassareangko mae ri tu Filistin.” Nakanamo Simson, “A'janji mako rolong, angkanaya ikau talanubunoaja'.”

HAKING-HAKING 15:12 ပူးပေါင်းရင်းမြစ်များ

1 KARAENG-KARAENG 2:25

Jari naparentakammi Karaeng Salomo mae ri Benaya, nampa a'lampamo Benaya mange ambunoi Adonia.

1 KARAENG-KARAENG 2:34

Jari a'lampami Benaya mange ri KemaNa Batara nampa nabuno Yoab anjoreng. Natarawammi Yoab ri balla'na ri pantarang kota.

MATIUS 27:2

Nasikko'bokomi Isa, nampa naerang ke'nanga mange napassareang ri Pilatus, wakkele'na pamarenta Roma.

LAMPA-LAMPANA 7:25

Nakapangi Musa angkanaya lanapahangi bansana angkanaya lanipakei kalenna ri Allata'ala untu' allappassangi anjo bansana. Mingka tanapahangai ke'nanga.

HAKING-HAKING 15:11

Nalangngere'na anjo a'lampami tu Yehudaya nia' 3.000 tau mange ri kali'bong batu niaka irate bulu' batu, ri Etam. Nakanamo ke'nanga anjoreng, “Simson, tenaka nanuassengi angkanaya nakoasaiki' tu Filistin? Apa anne nugaukang mae ri kambe?” Appialimi Simson angkana, “Musti kubalasaki apa le'baka nagaukang ke'nanga mae ri nakke.”

HAKING-HAKING 15:13

Nakanamo ke'nanga, “Baji'mi. Nasaba' lanisikko' jako bawang nampa nipassareangko mae ri tu Filistin. Tena nalanibunoko.” Nampa nisikko'mi Simson siagang rua otere' beru, nampa nierang ri ke'nanga battu ri anjo kali'bong batua.

HAKING-HAKING 8:21

Nakanamo Zebah siagang Salmuna, “Mae mako! Punna bura'neko lima kannanu ambunoi ikambe!” Jari nibunomi ke'nanga ri Gideon. Nampa naalle ngaseng Gideon belo-belo niaka ri kallong untana ke'nanga.