HAKING-HAKING 14:6 - KITTA' MATANGKASA'

⁶ na ti'ring a'jari kassa'mo Simson lanri kakoasanNa Batara. Na nabi'nya'-bi'nyara'mo anjo singaya siagang limanna, sangkamma le'ba' angkana bembeji anjo singaya. Tena nacaritai Simson mae ri tau toana anjo apa kajarianga.

HAKING-HAKING 14:6 ပူးပေါင်းရင်းမြစ်များ

PAMMUJI 91:13

Lanudakkai ularaka siagang singaya, langngonjokko singa rungka siagang ulara' a'racung.

YESAYA 42:2

Tena nalammarrang yareka akkio' lompo, tena nalakalangngerang sa'ranna ri aganga.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

HAKING-HAKING 11:29

Nipimpimmi Yefta ri RohNa Batara. Jari a'lampami Yefta mange angkunjungi daera Gilead siagang Manasye. Nampa ammotere' mange ri Mizpa ri Gilead. Battu anjorengi napannarrusu' jappana mange ri daera bansa Amon.

HAKING-HAKING 13:25

Ri wattunna nia' ri tampa' kemana suku Dan, attampaka ri alla'na Zora siagang Esytaol, appakkaramulami nisare kagassingang ri RohNa Batara.

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 14:5

Jari a'lampami Simson siagang tau toana mange ri Timna. Lalang allalona ke'nanga ri se'reang koko anggoro', assiruppami Simson siagang sikayu singa rungka. Assa'ra ammarrummi anjo singaya,

HAKING-HAKING 14:7

Nampa mangemi Simson angkunjungi anjo tuloloa, na naagang accarita. Na nangaimo Simson anjo tuloloa.

HAKING-HAKING 15:15

Nia'mo nabuntulu' se're buku gigi keledai, beru dudu iji. Narappummi anjo bukua, nampa napake a'jallo', ampalu-palui taua. Sa'genna nia' 1.000 tau mate nabuno.

HAKING-HAKING 15:8

Nampa nabundukimo siagang nasessa-sessami ke'nanga. Jaimi tau ri ke'nanga nabuno. Le'baki anjo, a'lampami mange ammantang ilalang ri se'reang kali'bong batu, irate ri bulu' batua ri Etam.

HAKING-HAKING 16:30

Ammarrammi angkana, “Lappassamma' mate siagang ngaseng anne tu Filistin!” Na nagassingimo ansorongi anjo benteng-bentenga sa'genna rumbang. Na natujumo anjo limaya tukoasana tu Filistin, siagang sikamma tau niaka anjoreng. Mate tongi Simson. Mingka anjo ri wattu kamateanna jaiangangi tau nabuno na anjo ri lalang tallasa'na.

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

1 SAMUEL 10:16

Appialimi Saul angkana, “Napauanga' angkanaya nigappami anjo olo'-oloka.” Mingka tena nacaritai Saul mae ri purinanna angkanaya le'ba'mi niminynyaki na niangka' a'jari karaeng ri Samuel.

1 SAMUEL 10:6

Anjo memang wattua lanakoasaiko RohNa Batara siagang lamminawangko a'joge' kammayatompa lakkiok-kio' siagang ke'nanga, nampa laniberui sipa'nu a'jari tau maraeng.

1 SAMUEL 11:6

Nalangngere'na Saul anjo kabaraka, nikoasaimi ri RohNa Allata'ala.

1 SAMUEL 14:1

Ri se'reang wattu nakanamo Yonatan mae ri turungka paerang sanjatana, “Umba ki'lampa mange ri balla' jagana tu Filistin niaka anjoreng ba'leang!” Mingka tena nappala' kana mae ri manggena.

1 SAMUEL 17:46

Anne memang alloa naNapassareangko Batara mae ri nakke. Lakubetako, siagang lakusamballei kallonnu nampa kualle ulunnu. Kalennu siagang kalenna ngaseng tantara Filistin lakupassareangi ri jangang-janganga siagang olo'-oloka sollanna nakanrei. Nampa sikontu linoa lanaassemmi angkanaya ikambe bansa Israel nia' Allata'alata nisomba.