HAKING-HAKING 14:5 - KITTA' MATANGKASA'

⁵ Jari a'lampami Simson siagang tau toana mange ri Timna. Lalang allalona ke'nanga ri se'reang koko anggoro', assiruppami Simson siagang sikayu singa rungka. Assa'ra ammarrummi anjo singaya,

HAKING-HAKING 14:5 ပူးပေါင်းရင်းမြစ်များ

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

1 PATTOTTORANG 11:22

Nia' pole sitau perwira masahoro', iamintu Benaya, ana'na Yoyada, tu Kabzeel. Sannaki baranina. Le'baki nia' rua tubaranina Moab nabuno. Le'baki ri se'reang wattu sanna' dinginna, nantama' ri se'reang kali'bong ammuno singa lalang.

PAMMUJI 91:13

Lanudakkai ularaka siagang singaya, langngonjokko singa rungka siagang ulara' a'racung.

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

YOSUA 15:10

nampa nakulilingi bageang lau'na Baala mange ri pa'moncongang Edom, nampa tulusu' mange ri bageang warakkanna Moncong Yearim (iamintu Moncong Kesalon), siagang naung ri Bet-Semes, nampa tulusu' mange ri Timna.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

HAKING-HAKING 14:4

Tanaassengai tau toana Simson angkana Batara ampagioki Simson na nagaukang anjo kammaya. Nasaba', a'boyai kasampatang Batara untu' ambunduki tu Filistin. Anjo wattua, nikoasai tu Israelka ri tu Filistin.

HAKING-HAKING 14:6

na ti'ring a'jari kassa'mo Simson lanri kakoasanNa Batara. Na nabi'nya'-bi'nyara'mo anjo singaya siagang limanna, sangkamma le'ba' angkana bembeji anjo singaya. Tena nacaritai Simson mae ri tau toana anjo apa kajarianga.

1 SAMUEL 17:35

naondangi atanta anjo olo'-olo' kammaya nampa nalappassangngi, sa'genna napasalama'mo atanta anjo gimbalaka. Siagang punna singa siagang beruang angngewai atanta, nata'gala'mi atanta kallonna, nampa natunrung atanta sa'genna mate.