HAKING-HAKING 14:19 - KITTA' MATANGKASA'

¹⁹ Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 14:19 ပူးပေါင်းရင်းမြစ်များ

HAKING-HAKING 1:18

Nitulummi tu Yehudaya sa'genna akkulle nabeta passa daera niaka ri moncong-monconga. Mingka takkulleai nabeta ke'nanga kota Gaza, Askelon, yareka pole Ekron siagang sikamma daera niaka ri tammulilina. Saba'na kaanjo bansa-bansa niaka ri biring tamparanga nia'mo kareta-kareta bassina, untu' napake a'bundu'. Jari takkulleai tu Yehudaya angngondangi ke'nanga.

HAKING-HAKING 13:25

Ri wattunna nia' ri tampa' kemana suku Dan, attampaka ri alla'na Zora siagang Esytaol, appakkaramulami nisare kagassingang ri RohNa Batara.

HAKING-HAKING 14:18

Jari ri maka tujuna alloa, ri tenanapa nalabu alloa, nakanamo anjo ke'nanga mae ri Simson, “Apaya la'bi te'neangngang na bania? Na apaya pole kassakangang na singaya?” Appialimi Simson angkana, “Kapunna tena nakusuro bainengku, takkulleako angngissengi battuanna anjo tappu-tappuanga!”

HAKING-HAKING 14:6

na ti'ring a'jari kassa'mo Simson lanri kakoasanNa Batara. Na nabi'nya'-bi'nyara'mo anjo singaya siagang limanna, sangkamma le'ba' angkana bembeji anjo singaya. Tena nacaritai Simson mae ri tau toana anjo apa kajarianga.

HAKING-HAKING 15:14

Ri wattunna battu mae ri Lehi nierang Simson massing lari-larimi battu tu Filistin mange anggora-gorai. Ti'ring a'jari kassa'mi Simson lanri kakoasanNa Batara. Natappu'-tappu'mi anjo otere' passikko' limanna, sangkamma le'ba' angkana otere' ammutung anjo otereka garana.

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

1 SAMUEL 11:6

Nalangngere'na Saul anjo kabaraka, nikoasaimi ri RohNa Allata'ala.

1 SAMUEL 6:17

Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.

1 SAMUEL 6:4

“Apami musti nipassareang mae ri Ia?” Kammaminjo pakkuta'nanna taua. Appialimi sikamma anjo imanga angkana, “Lima kambussulu' bulaeng siagang lima balao bulaeng, situru' bilanna sikamma karaenga ri Filistin. Sai anjo bala antabayako akkambu'-kambussuluki siagang sangkammai balao tanja'na, baji' nara'yaka kammayatompa karaenga?