HAKING-HAKING 14:14 - KITTA' MATANGKASA'

¹⁴ Nakanamo Simson, “Battu ri angnganrea, assulu' apa nikanrea; battu ri kassaka, assulu' apa mate'nea.” Allalonamo tallungallo tenapa ri ke'nanga akkulle antappui anjo tappu-tappuanga.

HAKING-HAKING 14:14 ပူးပေါင်းရင်းမြစ်များ

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

1 KARAENG-KARAENG 17:6

Angnginummi battu ri anjo pangka binangaya, siagang angnganre roti siagang dageng naerang jangang-jangang kalaa' bari'basa'-bari'basa' siagang karueng-karueng.

2 PATTOTTORANG 20:2

Nabattumo taua ampabattui anne kabaraka mae ri Karaeng Yosafat angkana, “Nia' battu sanna' jaina tantara Edom, battu ri ba'leanna Tamparang Matea, untu' ambundukiki'. Le'ba'mi nabeta ke'nanga Hazezon-Tamar.” (Hazezon-Tamar iamintu areng maraenna En-Gedi.)

2 PATTOTTORANG 20:25

Jari a'lampami Yosafat siagang ana' buana anrampasaki barang-baranna musua. Jai sikali nagappa ke'nanga olo'-olo' niparakai, pakkakasa', pakeang, siagang barang-barang lompoa anggaranna maraenga. Le'baki napasse're lalang tallungallo anjo barang-baranga, jai iji ammantang barang-barang maraeng, sa'genna nibokoi mami.

PANGNGEBARANG 24:7

Tau toloa takkulleai naselangngi kacara'dekanga. Tena apa-apa akkulle napau punna a'bicara taua ri passala' apa-apa parallua.

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

LAMPA-LAMPANA 8:31

Appialimi anjo taua nakana, “Antekamma lakkulle kupahang punna tena ampakasingarianga'?” Nampa nakio'mi Filipus nai' ri karetaya nammempo siagang.

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

HAKING-HAKING 14:13

Mingka punna tena nukkulle antappui, ikau massing assarea' kaeng lenang halusu' siagang sipasang pakeang ga'ga.” Nakanamo anjo tu Filistinga, “Baji'mi kamma-kamma anne paumi anjo tappu-tappuanga.”

HAKING-HAKING 14:15

Jari, ri makaappa'na alloa, nakanamo ke'nanga ri bainenna Simson, “Nyonyo' sai anjo bura'nennu sollanna ero' ampaui ri kambe apa battuanna anjo tappu-tappuanga. Punna tena, lakitunuko siagang sikontu bone balla'na manggenu. Iaji padeng nanuundangki' lanri ero'na nupacappu' apa-apanna ikambe!”