HAKING-HAKING 14:12 - KITTA' MATANGKASA'

¹² Nakanamo Simson ri ke'nanga, “Nia' tappu-tappuangku. Punna nukullei nutappu, massing kusareko silawara' kaeng lenang halusu' siagang sipasang pakeang ga'ga. Kusareko kasampatang tuju allo lalang passua'-suaranna anne pa'buntinganga untu' antappui.

HAKING-HAKING 14:12 ပူးပေါင်းရင်းမြစ်များ

PA'JARIANG 45:22

Massing nasare tommi ke'nanga tassipasanna pakeang beru. Mingka mae ri Benyamin nasarei tallum bilangngang doe' pera' siagang limam pasang pakeang beru.

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

2 KARAENG-KARAENG 5:22

Appialimi Gehazi angkana, “Kipammopporanga' Bapa', nisuroa' ampauangki' angkanaya silalonna nia' rua na'bi lolo battu ri daera Monconna Efraim. Napalaki bapakku sollanna assareki' 3.000 doe' pera' siagang ruampasang pakeang ga'ga untu' anjo ruaya na'bi.”

2 KARAENG-KARAENG 5:5

Nakanamo karaenga, “Baji'mi, a'lampamako mange ri karaeng Israel. Lannulisikka' sura' mae ri ia.” Jari a'lampami Naaman, nangngerang 30.000 doe' pera', 6.000 doe' bulaeng, siagang 10 pasang pakeang ga'ga ngaseng.

2 PATTOTTORANG 7:8

Tuju alloi nagaukang Salomo siagang sikontu umma' Israel anjo Allo Lompo Pa'ballakang Leko'-lekoka. Teai sipato' jaina tau niaka a'rappung untu' anjo pa'gaukang kasuarranga. Nia' tau battu ri daera bellaya sa'genna oloang mange ri Hamat bageang wara' sa'genna mange ri pa'baeng-baenna Mesir bageang timboro'.

PAMMUJI 49:4

Lakupabattuangko kana-kana baji', pikkirang mailalang sikaliku.

PANGNGEBARANG 1:6

Lanri kammana nakkullemo naselangngi apa battuang taccokkona anjo pappakaingaka siagang napahang kana-kananna tau cara'deka kammayatompa sikamma passala' napakkuta'nangnganga ke'nanga.

PANGNGEBARANG 31:24

Appareki pakeang siagang passikko' aya' nampa nabalukang ri padangganga.

YEHEZKIEL 17:2

Kupabattua, iNakke Batara Kaminang Tinggia angkana: Nia' sikayu jangang-jangang rajawali sannaka lompona, ga'ga bulunna, siagang la'baki nakassa' ka'nyi'na. Anri'baki mange ri Moncong Libanon, annepo' cappa' poko' kayu camara,

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

MATIUS 13:13

Iaminjo saba'na naKummake pangngebarang punna Kuajara' anjo tau jaia. Nasaba' accini'ji ke'nanga, mingka sanrapangi tau tenaya naccini'. Allangngere'ji ke'nanga, mingka sanrapangi tau tenaya nallangngere' siagang tau tenaya nammahang.

MATIUS 13:34

Sikontu anjo Napangngajarranga Isa mae ri tau jaia, ammakei pangngebarang.

MATIUS 27:28

Napusumi ke'nanga pakeanNa Isa, nampa napipakei juba cura' lame butung.

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

LUKAS 14:7

Nacini'mi Isa nia' siapa are toana ammilei pammempoang bajika. Jari Nasaremi ke'nanga anne pangngajaranga, Nakana,

YOHANES 16:29

Nakanamo ana'-ana' gurunNa Isa, “Kamma-kamma anne a'bicara maKi' silambusu'na Batara; tenamo Kimmake pangngebarang,

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

YAKOBUS 5:2

A'jari botto'mi kakalumanynyangannu. Nakanremi kacoa' pakeannu.

HAKING-HAKING 14:11

Nicini'na ri tu Filistin ammileimi ke'nanga tallumpulo turungka untu' angngagangi Simson.

HAKING-HAKING 14:13

Mingka punna tena nukkulle antappui, ikau massing assarea' kaeng lenang halusu' siagang sipasang pakeang ga'ga.” Nakanamo anjo tu Filistinga, “Baji'mi kamma-kamma anne paumi anjo tappu-tappuanga.”