HAKING-HAKING 14:11 - KITTA' MATANGKASA'

¹¹ Nicini'na ri tu Filistin ammileimi ke'nanga tallumpulo turungka untu' angngagangi Simson.

HAKING-HAKING 14:11 ပူးပေါင်းရင်းမြစ်များ

AYUB 41:6

Maka akkullei nidanggangang ri paboya jukuka nampa nabage-bage mae ri padangganga?

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

HAKING-HAKING 14:10

A'lampanamo Simson mange ri balla'na anjo tau loloa, appare'mi passua'-suarrang Simson anjoreng. Nasaba' kammaminjo kabiasanna tau rungka-rungkaya.

HAKING-HAKING 14:12

Nakanamo Simson ri ke'nanga, “Nia' tappu-tappuangku. Punna nukullei nutappu, massing kusareko silawara' kaeng lenang halusu' siagang sipasang pakeang ga'ga. Kusareko kasampatang tuju allo lalang passua'-suaranna anne pa'buntinganga untu' antappui.

1 SAMUEL 10:23

Jari akkaro-karomi ke'nanga mange ambuntuli Saul battu anjoreng, nampa naerang antama' ri tangnga-tangngana ra'yaka. Ammentemmi Saul ri tangnga-tangngana ke'nanga, na iami kaminang tinggi; tu maraenga sa'ge salanggannaji.

1 SAMUEL 16:6

Ri wattunna a'rappungammo ke'nanga siagang nacini'mi Samuel ana'na Isai, niarenga Eliab, napikkiri'mi angkana, “Ma'nassa iaminne laNapilea Batara.”