HAKING-HAKING 13:8 - KITTA' MATANGKASA'

⁸ Nalangngere'na Manoah anjo passalaka, appala' doammi ri Batara, angkana, “O Batara, poro Kisuro laloi pole battu anjo suroTa mae ri kambe, sollanna napauangi ikambe apa musti nagaukang ikambe punna lassu' anjo anaka.”

HAKING-HAKING 13:8 ပူးပေါင်းရင်းမြစ်များ

AYUB 34:32

Le'ba'kami nupala' sollanna nipicinikiangko salanu? Le'ba' mako assumpa angkana lanupamarimi anjo panggaukang kammaya?

LAMPA-LAMPANA 9:6

Mingka kamma-kamma anne ambangung mako nai', na nuantama' ri kotaya. Anjorempi nampa nipauangko apa musti lanugaukang.”

HAKING-HAKING 13:11

Akkaro-karomi Manoah ampinawangi bainenna. Nareppesimi anjo taua na nakuta'nang angkana, “Ikatteka angngerangi anjo kabaraka mae ri bainengku?” Appialimi anjo malaekaka angkana, “Kammatojengi.”

HAKING-HAKING 13:3

Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.

HAKING-HAKING 13:7

Mingka nakana ri nakke angkana latiananga' siagang langgappa sitau ana' bura'ne. Nakanamo pole angkana takkullea' angnginung anggoro' yareka inungang terasa', yareka angnganre apa-apa harang. Nasaba' anjo anaka musti nipassareangi mae ri Allata'ala untu' a'jari tu attinja' ri sikontu tallasa'na.”

HAKING-HAKING 13:9

Napilangngerimi Allata'ala pappala'na Manoah. Battumi pole anjo malaeka'Na Batara mae ri bainenna Manoah, ri wattu sitabanna ammempo-mempo ri kokoa. Anjo wattua tenai bura'nenna anjoreng.