HAKING-HAKING 13:25 - KITTA' MATANGKASA'

²⁵ Ri wattunna nia' ri tampa' kemana suku Dan, attampaka ri alla'na Zora siagang Esytaol, appakkaramulami nisare kagassingang ri RohNa Batara.

HAKING-HAKING 13:25 ပူးပေါင်းရင်းမြစ်များ

MATIUS 4:1

Le'baki anjo, nierammi Isa ri RohNa Allata'ala mange ri parang lompoa, sollanna niso'ri ri billisika.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

YOSUA 15:33

Kota-kota, kammayatompa desa-desa niaka ri tammulilina, niaka ri bangkeng buluka, kabusu'na nia' sampulo angngappa' kota, iamintu: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho. Azeka, Saaraim, Aditaim, Gedera siagang Gederotaim.

YOSUA 19:41

Antamaya ri daerana ke'nanga iamintu Zora, Esytaol, Ir-Semes,

HAKING-HAKING 11:29

Nipimpimmi Yefta ri RohNa Batara. Jari a'lampami Yefta mange angkunjungi daera Gilead siagang Manasye. Nampa ammotere' mange ri Mizpa ri Gilead. Battu anjorengi napannarrusu' jappana mange ri daera bansa Amon.

HAKING-HAKING 14:1

Ri se'reang allo a'lampami Simson mange ri Timna. Nia'mo se're tulolo battu ri Filistin anjoreng.

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 16:31

Nampa battumo sikamma sari'battanna siagang sikontu bija-bijanna untu' angngallei maya'na. Naerammi ke'nanga maya'na ammotere' nampa natarawang ilalang ri jera'na Manoah, iamintu manggena. Anjo jeraka tampa'na nipariallaki ri Zora siagang Esytaol. Ruampulo taungi Simson a'jari pamimping ri Israel.

HAKING-HAKING 18:2

Jari ammilemi ke'nanga limaya tau pore battu ri sikontu bija niaka lalang ri sukuna ke'nanga ia niaka ammantang ri Zora siagang Esytaol. Nampa nasare tugasa' anjo tau limaya amparessai anjo pa'rasanganga. Jari a'lampami anjo limaya tau, na battumo ke'nanga ri daera pa'bulukanna daera Efraim. A'bangngimi ke'nanga anjoreng ri balla'na Mikha.

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

HAKING-HAKING 6:34

Mingka nipimpingi Gideon ri RohNa Batara. Na natui'mo tarompeka angkioki tu Abiezer sollanna battu a'rappungang siagang ia.

1 SAMUEL 11:6

Nalangngere'na Saul anjo kabaraka, nikoasaimi ri RohNa Allata'ala.