HAKING-HAKING 13:12 - KITTA' MATANGKASA'

¹² Akkuta'nammi Manoah angkana, “Punna kajariang sallang anjo apa le'baka nipau apa musti nigaukang ri anjo anaka? Antekamma sallang katallasanna?”

HAKING-HAKING 13:12 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

PANGNGEBARANG 4:4

naajaraka' manggeku. Nakana ri nakke, “U'rangi sikamma pappakaingakku, tea' laloko kaluppai. Gaukangi pitunju'-pitunjukku, sollanna mate'ne tallasa'nu.

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

HAKING-HAKING 13:11

Akkaro-karomi Manoah ampinawangi bainenna. Nareppesimi anjo taua na nakuta'nang angkana, “Ikatteka angngerangi anjo kabaraka mae ri bainengku?” Appialimi anjo malaekaka angkana, “Kammatojengi.”

HAKING-HAKING 13:13

Appialimi anjo malaeka'Na Batara angkana, “Takkulleai bainennu angnginung anggoro' yareka inungang terasa'. Kammayatompa takkulleai angnganre kanre-kanreang battua ri poko' anggoroka, yareka apa-apa haranga nikanre. Musti nagaukang ngasengi sikontu apa kupaua ri ia. Na najagai sollanna tennanniakka nakaluppai nagaukang manna sirupa.”