HAKING-HAKING 12:8 - KITTA' MATANGKASA'

⁸ Le'ba'na Yefta, nipimpimmi umma' Israel ri Ebzan, battua ri Betlehem.

HAKING-HAKING 12:8 ပူးပေါင်းရင်းမြစ်များ

PA'JARIANG 15:19

kammayatompa butta Keni, Kenas, Kadmon,

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

YOSUA 19:15

Lalang ri daerana anjo suku Zebulon antama tongi: Katat, Nahalal, Simron, Yidala siagang Betlehem. Anjo daerana ke'nanga antama tongi sampuloa anrua kota siagang sikamma desa-desa niaka ri tammulilina.

HAKING-HAKING 10:1

Ri matenamo Abimelekh, tu niarenga Tola, ana'na Pua, a'jari pamimping untu' allappassangi tu Israelka. Cucunnai Dodo, battu ri suku Isakhar. Anjorengi ri Samir, ri daera monconna Efraim ammantang.

HAKING-HAKING 12:7

Annang taungi sallona Yefta ampimpingi tu Israel. Nampa matemo, na nitarawang ri kamponna, iamintu ri kota Mizpa ri Gilead.

HAKING-HAKING 12:9

Anjo Ebzan nia' tallumpulo ana' bura'nena siagang tallumpulo ana' bainena. Anjo ana'-ana' bainena napa'buntingi siagang tau battua ri suku-suku maraenga. Kammayatompa angngallei tallumpulo tulolo battua ri suku-suku maraeng untu' napasialle siagang ana'-ana' bura'nena. Tuju taungi sallona Ebzan ampimpingi umma' Israel.

HAKING-HAKING 17:7

Ia todong anjo wattua nia' se're turungka battu ri suku Lewi. Anjorengi ri Betlehem ri daera Yehuda ammantang riolo.

HAKING-HAKING 19:1

Ri wattu tenanapa karaenna tu Israel, nia' se're tu Lewi ammantang ri padalamang, ri daera pa'bulukanna Efraim. Angngallei sitau baine piara battu ri Betlehem Yehuda.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”