HAKING-HAKING 12:6 - KITTA' MATANGKASA'

⁶ nasuromi antappui “Syibolet”. Lanatappui “Sibolet”, lanri tanaassengai natappu baji' anjo kana kammaya. Nampa lanajakkala' siagang nabuno ri se'reang tampa' ri anjo pa'limbanganga. Jari nia'mo 42.000 tu Efraim anjo wattua nibuno.

HAKING-HAKING 12:6 ပူးပေါင်းရင်းမြစ်များ

PAMMUJI 69:15

TeaKi' balang parekangia' tallang lalang ri je'neka, pasalamaka' battu ri tau birisika ri nakke siagang battu ri je'ne' lantanga.

PAMMUJI 69:2

Pasalamaka', o, Allata'ala, saba' nai'mi je'neka sa'genna kallongku.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 18:19

Sari'battang pa'risika pa'mai'na la'bi sukkaraki nireppesi kala kota kassaka; pa'beseranga sanrapangi panjoli pakke'bu' lompona kota pattahangnganga.

KATO'BA 10:12

Lanri kana-kananna tau cara'deka nanipakalompoi mingka panraki tau toloa lanri kana-kananna tonji.

YESAYA 27:12

Anjo wattua laNaparappungangi Batara bansaNa tasse're-se're battu ri Binanga Efrat sa'genna ri pa'baeng-baenna Mesir. LaNapasisa'laki ke'nanga rapang tau appasisa'laka lisere' gandung battu ri awanna.

MATIUS 12:25

Mingka Naassengi Isa nawa-nawana anjo tu Farisia. Jari angkanami Isa ri ke'nanga, “Punna nia' se're bansa ta'bage-bage nampa simusu-musu para ia, ma'nassa tena nalajarre' ammenteng anjo bansaya. Kammayatompa punna nia' tau lalang kota, yareka nia' tau lalang se're balla' ta'bage-bage nampa simusu-musu para ia, mattantu laancuruki.

MATIUS 26:73

Tena nasallo le'ba'na anjo, battumi ri dallekanna Petrus tau niaka ammenteng anjoreng, na nakana ke'nanga, “Ma'nassa kalase'rennako battu ri ke'nanga. A'nassa sikali nilangngere' ri batenu a'bicara.”

MARKUS 14:70

Mingka assassala'mi pole Petrus. Tena nasallo le'ba'na, nakanamo pole tau niaka anjoreng, “Takkulleako assassala', ma'nassa aganna memang tongko ke'nanga; nasaba' tau battu tongko ri Galilea!”

GALATIA 5:15

Mingka punna massing sikara'musukko, tutu laloko, sollanna tena nupara ancuru'.

HAKING-HAKING 12:5

Anjo tu Gilead lalang a'bunduka, naempoimi tampa'-tampa' pa'limbanganga ri Binanga Yordan, sollanna akkulle naruppai tu Efraim eroka lari. Ri wattunna nia' se're tu Efraim ero' lari, appala' paramisimi untu' a'limbang. Akkuta'nammi tu Gileadka ri ia angkana, “Apaka tu Efraimko?” Punna appiali angkana “Teai”,

HAKING-HAKING 12:7

Annang taungi sallona Yefta ampimpingi tu Israel. Nampa matemo, na nitarawang ri kamponna, iamintu ri kota Mizpa ri Gilead.