HAKING-HAKING 12:15 - KITTA' MATANGKASA'

¹⁵ Nampa matemo Abdon, na nitarawang ri Piraton ri daera Efraim, ri daera monconna tu Amalek.

HAKING-HAKING 12:15 ပူးပေါင်းရင်းမြစ်များ

PA'JARIANG 14:7

Le'baki anjo ammotere'mi pole anjo tau angngondanga mange ri En-Mispat, ia niarenga Kades kamma-kamma anne. Nakoasaimi ke'nanga sikontu butta Amalek, kammayatompa nabetami ke'nanga tu Amori niaka ammantang ri Hazezon-Tamar.

KALAPPASSANG 17:8

Nampa battumo tu Amalek ambunduki tu Israel ri Rafidim.

HAKING-HAKING 12:13

Le'ba'na Elon, nipimpimmi umma' Israel ri Abdon ana'na Hilel battu ri Piraton.

HAKING-HAKING 12:14

Nia' patampulo ana' tu bura'nena, na nia' tallumpulo cucu-cucu bura'nena. Massing nia' tasse'renna ke'nanga sikayu keledaina. Sagantuju taungi sallona nipimping umma' Israel ri Abdon.

HAKING-HAKING 13:1

Dorakami pole umma' Israel ri Batara jari nibalang parekangi ri Batara, na nikoasai ke'nanga ri tu Filistin, patampulo taung sallona.

HAKING-HAKING 3:13

Asse'remi Karaeng Eglon siagang bansa Amon na Amalek sa'genna nabetamo umma' Israel. Naallemi ke'nanga kota Yerikho, iamintu kota kormaya.

HAKING-HAKING 3:27

Battuna mange ri daera monconga ri Efraim, akkaro-karomi angngalle tarompe' nampa napasa'ra untu' angkioki tu Israelka mange a'bundu'. Nabattumo ke'nanga nampa napimping anjo ke'nanga naung battu ri daera monconga.

HAKING-HAKING 5:14

Battu ri Efraim a'jappa ke'nanga nanaung parang lappara' amminawang ri tantara Benyamin a'barrisika ri dallekanna ke'nanga. Nia'mi sikamma panglimana, battu ri Makhir nammentemmo sikamma perwiraya battu ri Zebulon.

1 SAMUEL 15:7

Le'baki anjo a'bundu'mi Saul siagang tu Amalek, nampa nabeta ke'nanga ri sikamma aganga battu ri Hawila sa'genna ri Syur ri rayanganna Mesir.