HAKING-HAKING 11:35 - KITTA' MATANGKASA'

³⁵ Kamma nacini'na Yefta anjo ana'na, sanna'mi si'nana nyawana. Nakkeke'-kekke'mi bajunna, na nakana, “O Anakku, panra'mi atingku! Le'ba'ma' assumpa ri Batara, na takkulleamo kupinra!”

HAKING-HAKING 11:35 ပူးပေါင်းရင်းမြစ်များ

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

2 SAMUEL 3:31

Nampa naparentakang Daud mae ri Yoab siagang ana' buana sollanna nakekke' pakeanna ke'nanga, siagang ammake kaeng tanra kasusaang kamateang kammayatompa nanakarruki Abner. Siagang ri wattunna niantara' mayaka, kalenna Karaeng Daud a'jappa ri bokona patti tumatea.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

PAMMUJI 66:13

Langngeranga' koro'bang nitunu mange ri BallatTa na kurupai janjingku mae ri Katte,

PAMMUJI 66:14

janji le'baka kupau wattungku nia' lalang kasusaang.

PAMMILANGNGANG 14:6

Yosua ana'na Nun siagang Kaleb ana'na Yefune, rua tau battu ri anjo mata-mataya, nakekkeki pakeanna ke'nanga pammateinna angkana susai ke'nanga.

LAMPA-LAMPANA 23:14

A'lampami ke'nanga mae ri imang-imang kapalaya siagang pamimping-pamimpinna tu Yahudia, nampa nakana ke'nanga, “Le'ba'mi assumpa ikambe, angkanaya talangnganreai siagang talangnginungai ikambe, punna tenapa nale'ba' nibuno Paulus ri kambe.

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.