HAKING-HAKING 11:31 - KITTA' MATANGKASA'

³¹ siagang nakusalama' ammotere', jari inai-nai mamo uru assulu' battu ri ballakku untu' anruppaia', iami lakupassareang anjari koro'bang tunuang mae ri Batara.”

HAKING-HAKING 11:31 ပူးပေါင်းရင်းမြစ်များ

PA'JARIANG 28:21

sa'gengku akkulle ammotere' mange ri balla'na manggeku siagang salama', Batarami la'jari Allata'alaku.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

PAOLE 23:18

Kammayatompa anjo doe' nagappaya battu ri panggaukang bawanna, takkulleai nierang mae ri Balla'Na Karaeng Allata'alanu untu' pa'bayara' tinja', nasaba' tanangaiyai Karaeng Allata'alanu pagau' bawanga ri balla'-balla' panynyombanga mae ri rewataya siagang tena todong nangai wassele' gau' bawanga.

HAKING-HAKING 11:30

A'janjimi Yefta mae ri Batara angkana, “Punna nasarea' pangngellai Batara nakubeta tu Amon,

HAKING-HAKING 11:32

A'limbammi Yefta ri Binanga Yordan untu' ambunduki tu Amon. Na nisaremo pammetang ri Batara.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 1:28

na lanri kammana minjo nakupassareang anne anaka untu' a'jari Napatang Batara lalang sikontu tallasa'na.” Le'baki anjo assambayammi ke'nanga ri Batara.

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 14:44

Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.