HAKING-HAKING 11:26 - KITTA' MATANGKASA'

²⁶ Tallum bilangngang taung sallona tu Israel angngempoi Hesybon, Aroër siagang sikamma desa-desa niaka ri tammulilina, kammayatompa sikontu kota niaka ri birinna Binanga Arnon. Angngapa nasiapa sallona anjo tanuallea ammotere'?

HAKING-HAKING 11:26 ပူးပေါင်းရင်းမြစ်များ

YEREMIA 48:19

Ikau niaka ammantang ri Aroër, ammentengko ri birinna aganga siagang parhatikangi! Pakkuta'nangngangi mae ri ke'nanga laria, siagang ta'lappasaka, angkana, ‘Apa le'ba' kajariang?’

LAMPA-LAMPANA 13:19

Tuju bansa maraeng nabeta Nabunduki ri butta Kanaan. Nampa Nabage-bage Allata'ala anjo butta Kanaan mange ri bansa Israel, sollanna nakammai anjo buttaya.

PAOLE 2:24

“Le'ba'namo nilaloi daera Moab, Nakanamo Batara ri nakke, ‘Kamma-kamma anne a'lampa mako allimbangi Binanga Arnon. LaKupassareangi mae ri kau Karaeng Sihon, iamintu karaeng Amori ammarentaya ri Hesybon, kammayatompa sikontu pa'rasanganna. Bunduki anjo karaenga, nampa nupammantangngi buttana.

PAOLE 2:36

Lanri pannulunNa Karaeng Allata'alata, akkullei nialle ngaseng sikontu kotaya, appakkaramula battu ri Aroër, ri cappa' Ka'bung Arnon, siagang kota niaka ri tangngana anjo ka'bunga, sa'genna mange ri daera Gilead. Tena kota majarre' dudu tembo' pattahanganna nidallekang.

PAOLE 3:2

Mingka Nakanamo Batara mae ri nakke, ‘Teako mallakki mae ri ia, Musa. LaKupassareangi anjo taua mae ri kau, kammayatompa tantarana siagang sikontu daerana. Gaukammi mae ri ia sangkamma apa le'baka nugaukang mae ri Sihon, karaenna tu Amori ammarentaya ri Hesybon.’

PAOLE 3:6

Sikontu anjo kotaya niancuru' kabusuki; sikontu tu bura'nea, tubainea siagang ana'-anaka nibuno kabusuki, sangkamma le'baka nigaukang mae ri kota-kotana Karaeng Sihon battu ri Hesybon.

YOSUA 12:2

Se'reanga niarengi Sihon, karaeng Amori ammantanga ri Hesybon. Daera kakoasanna iamintu bageruanna daera Gilead: iamintu daera Aroër (ri birinna Ka'bung Arnon) siagang kota niaka ri tangnga-tangngana anjo ka'bunga sa'genna Binanga Yabok ri pa'baeng-baenna daera bansa Amon;

YOSUA 12:5

Daera kakoasanna iamintu Moncong Hermon, Salkha, siagang sikontu daera Basan sa'genna daera Gesur siagang Maakha; kammayatompa antamaki bageruanna daera Gilead sa'genna daera kakoasanna Karaeng Sihon ri kota Hesybon.

YOSUA 13:10

siagang sa'genna mange ri pa'baeng-baenna daera Amon, siagang sikontu daera le'baka nakoasai Sihon, karaeng Amori, niaka ri Hesybon.

YOSUA 13:16

Daerana ke'nanga iamintu Aroër (ri birinna Ka'bung Binanga Arnon) siagang kota niaka ri tangnga-tangngana anjo ka'bunga sa'genna mange ri anjo daera lappara' tinggia, ri tammulilina Medeba;

YOSUA 13:17

kammayatompa Hesybon na sikontu kota ri anjo lappara' tinggia iamintu: Dibon, Bamot-Baal, Bet-Baal-Meon,

YOSUA 23:1

Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

HAKING-HAKING 10:8

Sampuloi assagantuju taung sallona anjo ruaya bansa anjallakkang ngasengi tu Israelka ri Gilead, iamintu daera tu Amori irayanganna Binanga Yordan. Nasessa ta'liwa'-liwa'mi ke'nanga tu Israelka.

HAKING-HAKING 3:11

Na' jari amammo anjo pa'rasanganga patampulo taung sallona. Nampa matemo Otniel.

HAKING-HAKING 3:30

Anjo alloa nibetami tu Moab ri tu Israelka. Naamammo anjo pa'rasanganga sagantujupulo taung sallona.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.

HAKING-HAKING 8:28

Takkuleami ampanggaukang tu Midian. Nibetami ke'nanga ri tu Israelka. Jari amammi anjo pa'rasanganga sa'genna patampulo taung sallona, lalang tallasa'na ija Gideon.

HAKING-HAKING 9:22

Tallun taungi sallona Abimelekh ammantang ri Israel.