HAKING-HAKING 11:21 - KITTA' MATANGKASA'

²¹ Mingka nisarei pammetang umma' Israel ri Batara, Allata'alana Israel, mae ri Sihon siagang tantarana. Kammaminjo na nagappa ngasemmo umma' Israel sikontu buttana tu Amori niaka ammantang ri anjo pa'rasanganga.

HAKING-HAKING 11:21 ပူးပေါင်းရင်းမြစ်များ

2 PATTOTTORANG 13:16

sa'genna larimo ke'nanga. Nisaremi pammetang tu Yehuda ri Allata'ala.

2 PATTOTTORANG 13:5

Nuassengi angkanaya le'baki Batara, Allata'alana Israel appare' janji mae ri Daud, angkanaya ia siagang jari-jarina lammarenta ri Israel sa'genna satunggu-tungguna. Anjo janjia tena le'bakai nipinra.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

PAMMILANGNGANG 21:24

Mingka jai tu Amori nibuno ri tu Israel lalang ri anjo pa'bundukanga. Nampa niempoimo ri tu Israel daerana ke'nanga appakkaramula battu ri Binanga Arnon sa'genna mange ri Binanga Yabok, iamintu pa'baeng-baenna daera Amon, nasaba' anjo pa'baeng-baenga sanna' kassa'na pattahanganna.

PAOLE 2:32

Nabattumo Sihon siagang sikontu pasukanna untu' ambundukiki' ri ampi'na kota Yahas.

YOSUA 6:2

Nakanamo Batara ri Yosua, “Kamma-kamma anne Kupassareangi mae ri kau anjo Yerikho siagang karaenna kammayatompa sikontu tantara baranina.

HAKING-HAKING 11:20

Mingka tena nikellai ri Sihon lanri tena natappa' angkana poro laallalonaja bawang ke'nanga. Ba'lalo napaturungi sikontu tantarana mange angngalle tampa' ri Yahas, nampa nabunduki umma' Israel.