HAKING-HAKING 11:20 - KITTA' MATANGKASA'

²⁰ Mingka tena nikellai ri Sihon lanri tena natappa' angkana poro laallalonaja bawang ke'nanga. Ba'lalo napaturungi sikontu tantarana mange angngalle tampa' ri Yahas, nampa nabunduki umma' Israel.

HAKING-HAKING 11:20 ပူးပေါင်းရင်းမြစ်များ

NEHEMIA 9:22

Kisarei ke'nanga pammetang mae ri jaia kakaraengang siagang bansa ri pa'baeng-baeng pa'rasanganna ke'nanga. Hesybon, pa'rasanganna Karaeng Sihon, naempoimi ke'nanga; Basan, pa'rasanganna Karaeng Og, natampakkimi ke'nanga.

HAKING-HAKING 11:19

Le'baki anjo nia'mo tau nisuro ri umma' Israel mange ri Sihon, karaeng Amori ri Hesybon, untu' appala' paramisi, allalo ri daera Amori, lanri eroki ke'nanga mange ri pa'rasangang kalenna.

HAKING-HAKING 11:21

Mingka nisarei pammetang umma' Israel ri Batara, Allata'alana Israel, mae ri Sihon siagang tantarana. Kammaminjo na nagappa ngasemmo umma' Israel sikontu buttana tu Amori niaka ammantang ri anjo pa'rasanganga.