HAKING-HAKING 11:10 - KITTA' MATANGKASA'

¹⁰ Appialimi ke'nanga angkana, “Situju ngasengi kambe. Batara a'jari sa'bi.”

HAKING-HAKING 11:10 ပူးပေါင်းရင်းမြစ်များ

PA'JARIANG 16:5

Nakanamo Sarai ri Abram, “Kupassareammi anjo atangku Hagar mae ri kau. Mingka naassennamo kalenna tianang, tenamo najampangia'. Anjo ikau pata sala. Tapporo Naadeliki' sipa'rua Batara passabakkang anne passalaka.”

PA'JARIANG 21:23

Lanri kammana, assumpamako anrinni ri dallekanNa Allata'ala, angkanaya tena nulakodi ateka' mae ri nakke, kammayatompa mae ri ana'-anakku, yareka ri turungangku. Sangkamma inakke bajiki pa'maikku mae ri kau, kamma tomminjo kupalaki nukamma todong anjo mae ri nakke siagang mae ri anne pa'rasangang nupammantangngia.”

PA'JARIANG 31:50

Nakanamo pole Laban, “Punna a'gau' kodiko mae ri ana'-anakku, yareka a'buntingko baine maraeng, manna pole tena naassengi taua, u'rangi angkanaya Najannangngiki' Allata'ala.

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

YEREMIA 42:5

Nakana ke'nanga ri nakke, “Napalaki ikambe ri katte sollanta appala' doang ri Karaeng Allata'alata, lanri eroki ikambe mannuruki ri Ia, sollanna a'jari baji' katallassanna ikambe. Jari, baji' yareka kodi anjo pasanNa Batara, lamannuruki ikambe ri Ia. Boli'mi kamma Batara a'jari sa'bi malambusu' siagang tamamminraya mae ri kambe, punna tena naturuki ikambe sikontu parenta Napassareanga Batara mae ri kambe tete ri katte bapa'.”

MIKHA 1:2

Pilangngeri, he sikamma bansa-bansaya! Parhatikangi, he pandudu'na sikontu linoa! Niaki battu Batara Kaminang Tinggia salaku sa'bi ambaliang ngasengko! Pilangngerimi a'bicara battu ri Balla' matangkasa'Na ri suruga.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

ROMA 1:9

Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

PAOLE 1:16

Anjo wattua kusarei ke'nanga tugasa' kamma anne: Parhatikangi passisala-salang niaka ammumba ri tangnga-tangngana bansanu. Sarei ke'nanga kaputusang adele', baji ri kara-kara niaka ri tau julu bansanu kammayatompa niaka ri bansa maraeng ammantanga ri alla'nu.

HAKING-HAKING 11:9

Appialimi Yefta angkana, “Punna niakko ammotere' mange ri Gilead untu' ambunduki bansa Amon, siagang Nasareki pammetang Batara, inakke sallang la'jari tukoasa mae ri kau ngaseng.”

1 SAMUEL 12:5

Nampa nakanamo Samuel, “Anne alloa, Batara siagang karaeng Napilea a'jari sa'bi angkanaya ma'nassa tena salangku manna pole sike'de'.” Appialimi ke'nanga angkana, “Iyo', kammatojengi, Batara a'jari sa'binta.”

1 SAMUEL 24:12

Tapporo Batara antappuki angkana inai ri katte sipa'rua sala. Poro Batara ambalasaki panggaukanna karaenga mae ri atanta, mingka manna sike'de' tania' ero'na atanta untu' ampa'risiki'.