HAKING-HAKING 1:7 - KITTA' MATANGKASA'

⁷ Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.

HAKING-HAKING 1:7 ပူးပေါင်းရင်းမြစ်များ

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

KALAPPASSANG 29:20

Nampa nupolong anjo gimbala' lakia; allei sike'de' cera'na nampa pasapui ri leko' tolinna bageang ri kananga Harun siagang ana'-ana'na, ri anrong karemeng bangkenna ri kananga siagang ri anrong karemeng lima kananna ke'nanga. Sesanna anjo ceraka musti nupatiriki mae ri appaka sa'rinna tampa' pakkoro'bangnganga.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

ZEFANYA 3:19

Kuancuruki wattu labattuna tau eroka anjallakkangko, siagang tau akkeppanga Kupasalamaki; sikontu tunipelaka Kururungangi ammotere'. Katunaanna ke'nanga Kupinrai a'jari kalompoang; manna kemae, ba'lalo ri sikontu buttaya, lanipakala'biriki na nipuji ke'nanga.

ROMA 2:15

Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

HAKING-HAKING 1:6

Nalarimo anjo karaenga. Mingka niondammi ri ke'nanga, sa'genna narapi' na najakkala'. Nampa napolong ke'nanga anrong limanna siagang anrong bangkenna.

HAKING-HAKING 9:24

Kammaminjo kajarianga, sollanna nibalasa'mo kaja'dallanna Abimelekh siagang nikompa salami ri tau niaka ri Sikhem na nabuno anjo tujupuloa ana'na Gideon.

HAKING-HAKING 9:57

Na Nahukkung tommo taua ri Sikhem lanri kaja'dallanna ke'nanga. Yangasenna anjo kajarianga sicoco' le'baki apa le'baka napau Yotam, ana'na Gideon, ri wattunna nasumpai ke'nanga.

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.