HAKING-HAKING 1:33 - KITTA' MATANGKASA'

³³ Tu niaka ammantang ri kota Bet-Semes siagang Bet-Anat, tena todong nanibongkai ri suku Naftali. Iaminjo saba'na natuli ammantangija tu Kanaan, iamintu tau appokoka anjoreng ri pa'rasangangnga, sipammantangang siagang tu Naftalia. Mingka nipassai ke'nanga ampanjama-jamaangi tu Naftalia.

HAKING-HAKING 1:33 ပူးပေါင်းရင်းမြစ်များ

PAMMUJI 18:24

Naassengi angkana tena callangku siagang kupakabellai kalengku battu ri kasalanga.

YOSUA 15:10

nampa nakulilingi bageang lau'na Baala mange ri pa'moncongang Edom, nampa tulusu' mange ri bageang warakkanna Moncong Yearim (iamintu Moncong Kesalon), siagang naung ri Bet-Semes, nampa tulusu' mange ri Timna.

HAKING-HAKING 1:30

Tuniaka ammantang ri kota Kitron siagang Nahalol, tena todong nanibongkai ri suku Zebulon. Iaminjo saba'na natuli ammantangija bansa Kanaan anjoreng sipammantangang ke'nanga. Mingka nipassami anjo tu Kanaan ampanjama-jamaangi ke'nanga.

HAKING-HAKING 1:32

Iamintu saba'na natuli ammantangija tu Kanaan, iamintu tau appokoka anjoreng ri pa'rasanganga, sipammantangang siagang tu Asyer.

HAKING-HAKING 1:34

Bansa Amoria tuli ammantangiji ri kota Ayalon, Saalbim siagang Moncong Heres, nasaba' nidesaki tu Dan ri ke'nanga nai' ri daera monconga. Tena nilappassangi ke'nanga naung ri daera lapparaka. Mingka tuli nijallakkangi anjo bansa Amoria ri suku Efraim siagang suku Manasye, kammayatompa nipassai ke'nanga ampanjama-jamaangi anjo ruaya suku.