HAKING-HAKING 1:29 - KITTA' MATANGKASA'

²⁹ Anjoreng ri kota Gezer, tena nabongkai suku Efraim tu Kanaan niaka ammantang ri anjo kotaya. Jari ammantangiji tu Kanaan anjoreng sipammantangang ke'nanga.

HAKING-HAKING 1:29 ပူးပေါင်းရင်းမြစ်များ

1 KARAENG-KARAENG 9:15

Karaeng Salomo ammakei cara ammassa untu' ansuroi taua ambangungi Balla'Na Batara, balla' kakaraenganga, tembo'na Yerusalem, siagang untu' antambungi butta niaka ri bageang timboranna Balla'Na Karaeng Allata'ala. Kamma tomminjo carana untu' ambangungi ammotere' kota Hazor, Megido, siagang Gezer. (

1 KARAENG-KARAENG 9:16

Kota Gezer iamintu kota le'baka riolo nibunduki siagang nibeta ri karaeng Mesir, nampa nabuno pandudu'na na natunu kotana. Nampa ri boko anjo kotaya napassareangi karaeng Mesir mae ri ana' bainena salaku hadia ri allo pa'nikanna siagang Salomo.

YOSUA 10:33

Battui Horam, iamintu karaeng ri Gezer ambantui Lakhis, mingka nibeta tongi siagang tantarana ri Yosua; tena manna sitau ammantang, kabusu'na mate ngasengi.

YOSUA 16:10

Mingka suku Efraim tena nanabongkai tu Kanaan battu ri daera Gezer. Iaminjo saba'na nasa'genna kamma-kamma anne nia' iji tu Kanaan ammantang ri Gezer sipammantangngang siagang tu Efraim, mingka nipassai ke'nanga anjama salaku ata mae ri tu Efraim.

HAKING-HAKING 1:28

Memang ri pila' katambannamo kassa'na tu Israelka napassami tu Kanaan ampanjama-jamangi ke'nanga. Mingka tena nanabongkai tabasikali ke'nanga anjo tu Kanaan battu anjoreng.

HAKING-HAKING 1:30

Tuniaka ammantang ri kota Kitron siagang Nahalol, tena todong nanibongkai ri suku Zebulon. Iaminjo saba'na natuli ammantangija bansa Kanaan anjoreng sipammantangang ke'nanga. Mingka nipassami anjo tu Kanaan ampanjama-jamaangi ke'nanga.