HAKING-HAKING 1:20 - KITTA' MATANGKASA'

²⁰ Nipassareammi kota Hebron mae ri Kaleb situru' parentana Musa. Saba'na kariolo nia' tallu golongang turunganna Enak le'ba' nabongka Kaleb assulu' battu ri anjo kotaya.

HAKING-HAKING 1:20 ပူးပေါင်းရင်းမြစ်များ

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

PAMMILANGNGANG 14:24

Mingka tena nakamma anjo mae ri atangKu Kaleb. Ia tena mamminrana mae ri Nakke. Lanri kammana anjo laKuerangi mange anjoreng ri pa'rasangang le'baka napantamakki. Kamma-kamma anne tu Amalek siagang tu Kanaan ammantang ri anjo lapparaka. Mingka anjo daeraya la'jari napatangi jari-jarina Kaleb, anjo atangKu. Ammuko musti ammoterekko siagang a'lampako mange ri parang lompoa mangea ri biring Tamparang Akaba.”

PAOLE 1:36

I Kalebji bawang, ana'na Yefune lantama', lanri tuli majarre'na tappa'na mae ri Nakke. LaKupassareangi mae ri Kaleb siagang jari-jarina anjo pa'rasangang le'baka a'la'ba' najappai.’

YOSUA 10:36

Battu ri Eglon, angngambiki Yosua siagang tantarana ri pa'monconganga nampa a'lampa mange ri kota Hebron, nampa nabunduki

YOSUA 11:21

Iatommi anjo wattua na'lampa Yosua mange angngancuruki bansa Enak, iamintu bansa lompo tinggia ngaseng kalenna, niaka ammantang ri daera pa'moncongang – ri Hebron, Debir, Anab, siagang ri sikontu daera pa'monconganna Yehuda siagang Israel. Nibuno ngasengi ke'nanga ri Yosua, siagang niancuru' ngasengi kota-kotana ke'nanga.

YOSUA 14:15

Riolo anjo Hebron niarengi Arba. (Arba iamintu tau Kaminang Lompoa pakkaleanna ri sikontu bansa Enak.) Na amang siagang salewangammo anjo pa'rasanganga, tena nanisusai ri pa'bundukang.

HAKING-HAKING 1:10

kammaya pole kota Hebron, iamintu kota niarenga Kiryat-Arba riolo. Anjoreng nabetami tu Yehudaya iamintu tu Sesai, tu Ahiman siagang tu Talmai.