HAGAI 1:6 - KITTA' MATANGKASA'

⁶ Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

HAGAI 1:6 ပူးပေါင်းရင်းမြစ်များ

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

1 KARAENG-KARAENG 17:12

Appialimi anjo jandaya angkana, “Lanri Batara, Allata'ala mattallasaka, Ia kisombaya, assumpa' angkanaya tena rotiku. Ia niaka poro sikangkang mami tarigu lalang mangko', siagang sike'de' minynya' zaitun lalang ri botolo'. Appasse'rea' anne kayu tunuang untu' ampallui anjo bahang sike'deka, sollangku akkulle siagang anakku angnganre. Iaminjo kanre kala'busanna ikambe; le'baki anjo attayang mami ikambe untu' mate.”

NEHEMIA 5:2

Nia' angkana, “Jai anakku. Parallui gandung ikambe untu' nikatallassang.”

AYUB 20:22

Ri wattu sangganamo kala'bianna, battumi pa'risika siagang susaya antujui.

AYUB 20:28

Sikontu kakalumanynyangnganna lacappuki, lanri allumpana larroNa Allata'ala.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PANGNGEBARANG 11:24

Nia' tau nangai assare, mingka pila' kalumanynyangi, nia' tau gi'giliki, mingka pila' kasi-asi puppusuki.

YESAYA 5:10

Tena nala'jari wassele' buttana, koko anggoro'na niaka sampulo hetto luara'na, sampuloji litere' je'ne' anggoro' wassele'na. Sibilangngang litere' bibi' gandung nalamung, na sampuloji litere' wassele'na.”

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

YEREMIA 44:18

Mingka baku' ammarina ikambe assare koro'bang mae ri Ratu Suruga, siagang tenamo nippatiri' anggoro' salaku passare mae ri ia, kakurangammi ikambe ri yangaseng-ngasenna; matemi taunna ikambe lalang pa'bundukang yareka lanri kacipurang.”

HOSEA 4:10

Langnganreko battu ri koro'bang-koro'bang nipassareanga, mingka tuli lacipuru'na nusa'ring. Lanynyombako mae ri rewata-rewata kacopponganga, mingka tuli tenana nakatambang pandudu'nu, nasaba' nubokoiMa' untu' mange anynyomba ri rewata-rewata maraenga.”

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

KAIMANGNGANG 26:20

Sikontu pakkaresoannu tena ngaseng matu-matunna, nasaba' tena nalangngerang wassele' buttanu siagang tena nala'rappo lamung-lamunnu.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

HAGAI 1:10

Iaminjo saba'na natena naturung bosia sa'genna tena lamung-lamung akkulle attimbo.

HAGAI 1:5

Coba sai, parhatikangi pattallassannu!

HAGAI 1:7

Tena nusadara' ri kalennu angkanaya angngapai nakajariang anjo kammaya?

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

HAGAI 2:16

Battumi nucini' pattambungang gandunga, na nurannuang angkanaya langgappako 200 kilo gandung, mingka kale'bakkanna 100 kilo bawang nugappa. A'lampako anynye'ro' 100 litere' anggoro' battu ri gumbang anggoroka, mingka 40 bawang litere' nugappa.

HAGAI 2:17

AppaturungA' anging bambang siagang bosi batu untu' angngancuruki sikontu wassele' kokonnu, mingka tena tongijapa nuero' ammotere' mae ri Nakke.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

ZAKHARIA 8:10

Rioloangannaya anjo jammanga tena akkulle ansewai kitta' magassinna rupataua yareka olo'-oloka, siagang tena tau amang pakkasia'na battu ri gangguanna musua. Le'ba'mi Kupasisala-sala se'reang tau siagang maraengannaya.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

PAOLE 28:17

Nitunrai wassele' kattoang gandunnu siagang kanre-kanreang nupareka battu ri gandung.