HAGAI 1:1 - KITTA' MATANGKASA'

¹ Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.

HAGAI 1:1 ပူးပေါင်းရင်းမြစ်များ

1 KARAENG-KARAENG 10:15

tena nirekengi passawallang-passawallang nagappaya a'danggang, siagang sima-sima battua ri sikamma padangganga, karaeng-karaeng Arab siagang guburnur-guburnurna Israel.

1 KARAENG-KARAENG 14:18

Susami ra'ya' Israel nampa natarawang sangkamma le'baka Napau Batara tete ri Na'bi Ahia, atanNa.

2 KARAENG-KARAENG 14:25

Iaminne Yerobeam II angngalle kabusuki ammotere' sikontu daerana Israel, appakkaramula battu ri oloang mangea ri Hamat bageang wara' sa'genna mange ri Tamparang Matea ri bageang timboro'. Anjo sikammaya situruki siagang janjinNa Batara, Allata'alana Israel, tete ri atanNa, iamintu Na'bi Yunus ana'na Amitai tu Gat-Hefer.

1 PATTOTTORANG 3:17

Iaminne turungang battua ri Yoyakhin, karaeng nibetaya nanitarungku ri tu Babel. Nia' tuju ana'na bura'ne, iamintu: Sealtiel,

1 PATTOTTORANG 3:19

Pedaya nia' rua ana'na bura'ne iamintu: Zerubabel siagang Simei. Zerubabel nia' rua ana'na bura'ne niarenga Mesulam siagang Hananya, na sitau ana' baine niarenga Selomit.

EZRA 1:8

Nasuro urusu'mi Kores anjo barang-baranga ri Mitredat, kapalana sikamma urusang pa'barang-barangnganga ri kakaraenganga. Nampa napare'mo Mitredat dattara'na anjo sikamma barang-baranga untu' Sesbazar, guburnur Yehuda.

EZRA 10:18

Iaminne dattara' areng-arenna tu bura'ne a'buntinga siagang baine bansa maraeng: Sikamma imanga, nidattaraka siagang golonganna: Golongan Yesua siagang sikamma sari'battanna, ana'-ana'na Yozadak, Eliezer, Yarib siagang Gedalya.

EZRA 2:2

Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang:

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

EZRA 3:2

Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.

EZRA 3:8

Jari ri bulang rua, lalang taung makarua ammotere'namo Israel mange ri Yerusalem, appakkaramulami ke'nanga ambangungi Balla'Na Batara ri Yerusalem. Zerubabel, Yesua siagang sikamma julu bansana, sikamma imanga, tu Lewia, bodona kana, sikontu anjo tau le'baka nipela', massing amminawang ngasengi anjama. Tu Lewi umuru' 20 taung na rateanna nisuroi untu' anjannangngi anjo jama-jamang pambangunanna Balla'Na Batara.

EZRA 4:2

Lanri kammana mangemi ke'nanga assicini' siagang Zerubabel siagang sikamma imanga, nampa napala' ke'nanga angkana, “Kipa'biang tommi ikambe amminawang todong ambangungi anjo Balla'Na Batara, nasaba' ikambe anne tau anynyomba tongki' ri Allata'alata, sangkamma ikatte ngaseng. Ikambe tuli assare tongki' koro'bang mae ri Ia, appakkaramula ri nieranna ikambe mae anrinni ri Esar-Hadon, karaeng Asyur.”

EZRA 4:24

Nipammarimi nijama pambangunanna Balla'Na Batara ri Yerusalem siagang tenamo nanipannarrusuki sa'genna ri makaruang taunna ammarenta Darius, karaeng Persia.

EZRA 5:1

Anjo wattua nia' rua na'bi, iamintu Hagai siagang Zakharia ana'na Ido, appakkaramulami a'bicara ampabattui lalang arenNa Allata'alana Israel mae ri tu Yahudi ammantanga ri Yehuda siagang ri Yerusalem.

EZRA 5:3

Mingka linta'mi battu Tatnai, guburnur propinsi Efrat bageang ilau', siagang Syetar-Boznai, kammayatompa agang-aganna ngaseng mange ri Yerusalem nampa akkuta'nang ri tu Yahudia, angkana, “Inai assuro ngasengko ambangungi siagang ampa'langkaki anne Balla' Sambayanga?”

EZRA 6:14

Nibantumi ke'nanga ri Na'bi Hagai siagang Na'bi Zakharia, na napannarrusu' sikamma pamimpinna tu Yahudia pambangunanna anjo Balla'Na Batara. Napa'le'ba'mi linta' anjo pambangunanga situru' parentaNa Allata'alana Israel siagang parentana Kores, Darius, na Artahsasta, karaeng-karaenga ri Persia.

NEHEMIA 12:1

Iaminne sikamma imanga siagang tu Lewia, ammotereka battu ri pa'rasangang pammelakkanga siaganga a'rurung Zerubabel ana'na Sealtiel siagang Imang Lompo Yesua:

NEHEMIA 12:10

Iaminne garisi' turunganna imang lompo Yesua: Yesua, Yoyakim, Elyasib, Yoyada,

NEHEMIA 5:14

Sampuloma' anrua taung a'jari guburnur ri Yehuda, iamintu appakkaramula ri taung makaruampulo sa'genna taung makatallumpulo anrua ammarenta Karaeng Artahsasta. Lalang anjo wattua inakke siagang sikamma sari'battangku tale'bakai kualle gajiku salaku guburnur.

NEHEMIA 7:7

Ia pamimping-pamimpinna ke'nanga iamintu Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum, siagang Baana.

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

KALAPPASSANG 4:13

Mingka appialimi Musa angkana, “Kupalaki, sollanna teai inakke Kisuro Batara, tau maraenga lalomo Kisuro.”

HAGAI 1:12

Nampa Zerubabel siagang Yosua kammayatompa sikontu umma' Israel niakamo ammotere' battu ri pammelakkanga ri Babel, naturukimi kana-kananna Hagai, iamintu suroNa Batara. Nagaukammi ke'nanga apa Naparentakanga Batara mae ri ke'nanga, lanri malla'na ri Batara.

HAGAI 1:14

Kammami anjo bateNa Batara ampagioki atinna Guburnur Zerubabel, Imang Lompoa Yosua siagang sikontu tau niakamo ammotere' battu ri pammelakkanga, sollanna anjama ngaseng ke'nanga ambangungi Balla'Na Batara Kaminang Koasaya, Allata'alana ke'nanga.

HAGAI 1:15

Appakkaramulami ke'nanga anjama ri tanggala' ruampulo angngappa' bulang annang, ri taung makarua ri wattu pamarentahanna Karaeng Darius.

HAGAI 1:2

Nakana Batara Kaminang Koasaya mae ri Hagai, “Anne bansaya nakana teaipi wattunna untu' ambangungi ammotere' BallakKu.”

HAGAI 1:3

Nampa tete ri Na'bi Hagai Nakanamo Batara mae ri umma'Na,

HAGAI 2:10

Ri tanggala' ruampulo angngappa' bulang salapang, lalang ri taung makarua ri pamarentahanna Karaeng Darius, a'bicarami pole Batara Kaminang Koasaya mae ri Na'bi Hagai.

HAGAI 2:20

Ri anjo memang alloa, iamintu ri tanggala' ruampulo angngappa' bulang salapang, assaremi Batara pasang makarua mae ri Hagai,

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

HAGAI 2:4

Mingka teako tappu' panrannuangngi, he ikau ngaseng! Patulusuki anjo jama-jamanga, nasaba' iNakke tuli lambantu ngasengko.

ZAKHARIA 1:1

Ri bulang makasagantuju lalang taung makarua ammarentana Karaeng Darius ri Persia, Napabattui Batara anne pasanga mae ri nakke, Na'bi Zakharia ana'na Berekhya cucunna Ido.

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

MALEAKHI 1:8

Punna assareko ri Nakke olo'-olo' buta, garringa yareka pesoka, maka teai panggaukang sala anjo kammaya? Coba sai bedeng passareang anjo olo'-olo' kammaya mae ri guburnurka! Maka lasannangi nyawana siagang lanagaukangi kabajikanga mae ri kau?”