HABAKUK 3:7 - KITTA' MATANGKASA'

⁷ Kuciniki ra'ya' Kusyan nibattui ri malla', siagang tu Midian annekkere'.

HABAKUK 3:7 ပူးပေါင်းရင်းမြစ်များ

KALAPPASSANG 2:15

Ri wattunna nalangngere' karaenga anjo apa kajarianga, a'boyami akkala' untu' ambunoi Musa. Mingka larimi Musa nampa ammantang ri pa'rasangang Midian. Imang battua ri Midian, niarenga Yitro, nia' tuju ana' bainena. Ri se'reang allo, ri wattunna sitabang ammempo Musa ri ampi'na se'reang bungung, battumi anjo tujua ana' tulolonna Yitro untu' anynye'ro' je'ne' siagang ambonei tampa' pangnginungang bembena siagang gimbala'na manggena ke'nanga.

YEREMIA 49:29

Alleangi sikamma olo'-olo'na, iamintu gimbala', unta, kammayatompa kema-kemana ke'nanga siagang sikontu bonena, siagang ammarrangko mae ri ke'nanga angkana, ‘Nikatulungko ri pammunoang!’

YOSUA 2:10

Nalangngere'mi ikambe kabara'na, angkana antekamma bateNa Batara ampa'jari kalotoroki Tamparang Alara' ri dallekannu ngaseng, ri wattunna nubokoi Mesir. Nalangngere' tommi ikambe kabara'na angkana antekamma batena nubuno Sihon siagang Og, iamintu rua karaeng bansa Amori ri rayanganna Binanga Yordan.

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.

HAKING-HAKING 8:12

Na anjo ruaya karaeng, iamintu Zebah siagang Salmuna, larimi mingka niondangi ri Gideon, nanajakkala' ke'nanga. Sa'genna lussa' ngasemmo tantarana ke'nanga.