HABAKUK 3:6 - KITTA' MATANGKASA'

⁶ Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.

HABAKUK 3:6 ပူးပေါင်းရင်းမြစ်များ

PA'JARIANG 49:26

gandung kammayatompa bunga. La'biangangi barakka'Na Allata'alana manggenu nakalumanynyanna bulu'-bulu' sannaka toana. Poro turungi sikamma anjo barakkaka ri tompo' ulunna Yusuf, ri tompo' abanna. Iami kaminang pore ri sikamma sari'battanna.

AYUB 21:18

Le'bakkai ke'nanga rapang rarame siagang limbu'bu' niri'bakang ri anging puttusu' siagang anging allaloa?

AYUB 9:5

Napaletteki Allata'ala monconga na tena tau angngassengi, nampa Nabulingkara' lalang larroNa siagang sekke'Na.

PAMMUJI 103:17

Mingka tuli Nakamaseangi Batara tu mappilangngeria, tulusu' a'jarina kabajikanNa ri sikontu turungang,

PAMMUJI 104:32

Naciniki buttaya na'jari annekkere'mo buttaya, nasentoki moncong-monconga, sa'genna assulu' umbunna.

PAMMUJI 35:5

Boli'mi kamma niondang ke'nanga ri malaeka'Na Batara, sanrapang awang nipasiara' ri anging.

PAMMUJI 68:16

Moncong Basan Iami moncong heba', moncong jaia coppo'na.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

PAMMUJI 97:5

Assolongi sikamma monconga sanrapang liling ri dallekanNa Batara, ri dallekanNa Batara, sikontu makoasaya ri sikontu linoa.

KALAPPASSANG 15:14

Sikamma bansa mallangngereka annekkere'mi; gegere'mi tu Filistin siagang sikamma pamimpinna Edom.

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

KALAPPASSANG 21:31

Punna anjo tau nibunoa bura'ne yareka baine, kamma tomminjo paratoranna.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

MIKHA 5:8

Israel lanabetai musu-musunna kammayatompa naancuru' kabusuki ke'nanga.

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

LUKAS 1:50

Sossorang mange ri sossorang tuli nikamaseang ri Batara tau mallaka ri Ia.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

PAOLE 32:8

Ri wattu Nabagena Kaminang Tinggia butta pisakaya, tunggala' bansaya Napattantui daerana siagang se'reang rewata a'jari makoasa.

PAOLE 33:15

Dasi-dasi naanjo bulu'-bulu'na battu ri jammang riolo rassi rappo-rappoang kaminang bajika.

IBRANI 13:8

Tuli kammana Isa Almasi, baji' na riolo, kamma-kamma anne, siagang sa'genna satunggu-tungguna.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

HAKING-HAKING 5:5

Ta'ge'goso'mi moncong-monconga ri dallekanNa makoasaya ri Sinai Ri dallekanNa Batara, Allata'alana Israel.