HABAKUK 3:5 - KITTA' MATANGKASA'

⁵ Kisuroi garringa a'jappa ri dallekanTa nakamateanga amminawang ri bokoTa.

HABAKUK 3:5 ပူးပေါင်းရင်းမြစ်များ

PAMMUJI 97:3

A'la'baki pepeka ri dallekanNa, Napakamutungi musu niaka akkuliling.

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 14:12

LaKuancuruki ke'nanga; lappabattuA' garring a'lette'-letteka ri tangnga-tangngana ke'nanga. Mingka ikau laKupa'jariko mangge ri se'rea bansa lompoanganga siagang kassakanganga na anjo ke'nanga!”

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.